کەشناسی: کەشوهەوا دەگۆڕێت
K24 – ھەولێر
بەڕێوەبەرایەتی كەشناسی و بومەلەرزەزانی ھەرێمی كوردستان، پێشبینیەكانی بۆ كەشوھەوای 48 كاتژمێری داھاتوو بڵاوکردەوە و رایگەیاند، ئەمڕۆ ئەو بارودۆخە ناجێگیرەى لە کەشى ناوچەکەمان هەبوو لاواز دەبێت کاریگەریەکەى لەسەر بەشێک لە پارێزگاى دهۆک و ناوچە شاخاوییەکان دەبێت بە تایبەتى.
بەگوێرەی پێشبینیەکانی کەشانسی، ئەمڕۆ ئاسمانی ناوچەكانی ھەرێم نیمچە لەنێوان ساماڵ و پەڵە هەوردا دەبێت لە هەندێک کاتدا دەگۆڕێت بۆ نیمچە هەور و خێرایی با زیاد دەکات. بەرزترین پلەی گەرما لە پارێزگاکانی هەولێر و سلێمانی و هەڵەبجە 41 پلە و لە دهۆک 40 پلە لە کەرکووک 44 پلەی سیلیزی دەبێت.
لەبارەی كەشوھەوای سبەی كەشناسی پێشبینی دەكات، رۆژی چوارشەممە ئاسمان ساماڵ و پەڵە هەور دەبێ لە هەندێک ناوچە دەگۆڕێت بۆ نیمچە هەور دەبێت.
