سەرۆك بارزانی سەرەخۆشی لە خانەوادەی حەكیم دەكات
K24- هه‌ولێر:
به‌بۆنه‌ی كۆچی دوایی مه‌رجه‌عی باڵای ئایینی، ئایه‌توڵڵا سه‌ید محه‌مه‌د سه‌عید حه‌كیم، كه ئێواره‌ی ئه‌مڕۆ كۆچی دوایی كرد، سه‌رۆك مه‌سعود بارزانی په‌یامێكی سه‌ره‌خۆشی ئاراسته‌ی جیهانی ئیسلام و گەورە مەرجەعەكان و خانەوادەی كۆچكردوو كرد و هاوخه‌می خۆی بۆیان ده‌ربڕی.
ده‌قی پرسه‌نامه‌ی سه‌رۆك بارزانی:
بەناوی خودای بەخشندە و میهرەبان
بە داخێكی زۆرەوە هەواڵی كۆچی دوایی مەرجەعی پایەبەرزی ئایینی ئایەتولڵا عوزما (سەید محەمەد سەعید حەكیم)ـمان پێگەیشت. پرسە و سەرەخۆشیی خۆمان ئاراستەی جیهانی ئیسلام و گەورە مەرجەعەكان و خانەوادەی بەڕێزی حەكیم دەكەین.
لە خودای گەورە داواكارین سەبر و ئارامیان پێ ببەخشێت و رۆحی خوالێخۆشبوو بباتە بەر رەحمەتی خۆی و بە بەهەشتی بەرین شادی بكات.
انا للە و انا الیە راجعون
مسعود بارزانی
3ـی ئەیلوولی 2021