سه‌ردانیكردنی كه‌سوكاری سزادراوان ده‌ستیپێده‌كاته‌وه
K24 - هه‌ولێر:
وه‌زاره‌تی كار و كاروباری كۆمه‌ڵایه‌تی حكومه‌تی هه‌رێمی كوردستان ئه‌مڕۆ دووشه‌ممه (20ی ئه‌یلوول/ سێپتێمبه‌ری 2021) رایگه‌یاند، سه‌ردانیكردنی كه‌سوكاری سزادراوان له به‌ڕێوه‌به‌رایه‌تی چاكسازییه‌كانی سه‌ر به وه‌زاره‌تی كار و كاروباری كۆمه‌ڵایه‌تی ده‌ستیپێكرده‌وه.
كوێستان محه‌مه‌د، وه‌زیری كار و كاروباری كۆمه‌ڵایه‌تی بڕیاردرا، به ره‌چاوكردنی مه‌رجه‌كانی ته‌ندروستی و خۆپارێزی، ده‌ستپێكردنه‌وه‌ی سه‌ردانیكردنی كه‌سوكاری سزادراوان و پێدانی مۆڵه‌ت به سزادراوان له به‌ڕێوه‌به‌رایه‌تی چاكسازییه‌كانی سه‌ر به وه‌زاره‌تی كار و كاروباری كۆمه‌ڵایه‌تی.
له‌سه‌ره‌تای ته‌شه‌نه‌كردنی په‌تای كۆرۆنا مۆڵه‌تپێدانی سزادراون وه‌ستێنرا و له‌گه‌ڵ ئه‌وه‌ش سه‌ردانیكردنی كه‌سوكاری سزادراوان ره‌گیرا، به‌ڵام به‌هۆی دابینكردنی ژماره‌یه‌كی زۆر ڤاكسینی كۆرۆنا و پابه‌ندبوونی هاووڵاتیانی هه‌رێمی كوردستان، وه‌زاره‌تی كار و كاروباری كۆمه‌ڵایه‌تی له‌مڕۆه‌وه رێگه به سزادراوان ده‌دات مۆڵه‌ت وه‌ربگرن و كه‌سوكاره‌كانیشیان ده‌توانن سه‌ردانیان بكه‌ن.
