بارانبارین ده‌ستپێده‌كاته‌وه
K24 – هه‌ولێر:
به‌ڕێوه‌به‌رایه‌تی گشتی كه‌شناسی و بوومه‌له‌رزه‌ی هه‌رێمی كوردستان بڵاویكرده‌وه، بارانبارین له‌ناوچه شاخاوییه‌كاندا ده‌ستپێده‌كاته‌وه‌و پله‌كانی گه‌رماش داده‌به‌زن.
راشیگه‌یاند، ئه‌مڕۆ هه‌ینی ئاسمانی هه‌ولێر ساماڵ و په‌ڵه هه‌ور ده‌بێت، له‌ناوچه شاخاوییه‌كانی سه‌رسنوور بارانی پچڕپچڕ ده‌بارێت، وێڕای ئه‌وه‌ش نزمترین پله 25پله‌ی سیلیزی ده‌بێت و به‌رزترینیش 34 ده‌بێت.
له پارێزگای دهۆكیش ئاسمان ساماڵ و په‌ڵه هه‌ور ده‌بێت، له‌گه‌ڵ ئه‌گه‌ری نمه‌باران له ناوچه سنوورییه‌كان، به‌رزترین پله‌ش 32 ده‌بێت و نزمترینیش 20 پله‌ی سیلیزی ده‌بێت.
له پارێزگای سلێمانیش ئاسمان له نێوانی ساماڵ و په‌ڵه هه‌ور ده‌بێت، به‌رزترین پله‌ی گه‌رما 32 پله ده‌بێت و نزمترینیش 23 پله‌ی سیلیزیه.
له كه‌ركووك ئاسمان ساماڵ و په‌ڵه هه‌ور ده‌بێت، نزمترین پله 20 و به‌رزترینیش 36 پله‌ی سیلیزی ده‌بێت.
له‌پارێزگای هه‌ڵه‌بجه‌ش ئاسمان له‌نێوانی ساماڵ و په‌ڵه هه‌ور ده‌بێت، به‌رزترین پله‌ی گه‌رما 34 و نزمترینیش 23 پله‌ی سیلیزی ده‌بێت.