سه‌رۆكی حكومه‌تی ره‌زامه‌ندی له‌سه‌ر خه‌رجكرنا زێده‌تر ژ ملیاره‌ك و 600 ملیۆن دیناران بۆ كه‌رتێ ساخله‌میا زاخۆ دا
K24- هه‌ولێر:
لگور داخۆیانیه‌كا راگەھاندنا ئیدارا سەربخۆیا زاخۆ، مه‌سرور بارزانی، سەرۆکێ حکومەتا هەرێما کوردستانێ رازەمەندی لسەر خەرجکرنا ملیارەك و 600 و 68 ملیۆن دیناران بۆ کەرتێ ساخلەمیێ ل زاخۆ دا.
پشتی هەول و بزاڤێن بەردەوامێن سەرپەرشتيارێ ئیدارا سەربخۆیا زاخۆ و کومبوونێن بەردەوام دگەل کەرتێ تەندروستیێ ل زاخۆ و گەهاندنا كێم و كاسیێن د کەرتێ ساخلەمیێ دا، لسەر راسپاردەیا جەنابێ مەسرور بارزانی، سەرۆکێ حکومەتا هەرێما کوردستانێ و پشتی کو وەزیرێ ساخلەمیێ راسپارتی سەرەدانا ئیدارا سەربخۆیا زاخۆ کر، هەمی پێدڤی و کەل و پەلێن ساخلەمیێ و پێدڤیێن کەرتێ ساخلەمیێ دێ بڤی ئاوایی هێنە دابینکرن:
1- دابینکرنا بۆدجەیا هەیڤانە ب گوژمێ (100،000،000) سەد ملیۆن دیناران بۆ ساخلەمیا زاخۆ هاتنە تەرخانکرن.
2- نووژەنکرنا نەخۆشخانا گشتی یا بێدارێ ل زاخۆ و دابینکرنا کەل و پەلێن پێدڤی ب گۆژمێ (252،000،000) دو سەد و پێنجی و دو ملیۆن دیناران.
3- نووژەنکرنا نەخۆشخانا د هەوارهاتنێ ل زاخۆ، و دابینکرنا کەل و پەلێن پێدڤی ب گۆژمێ (266،000،000) دو سەد و شێست و شەش ملیۆن دیناران.
4- نووژەنکرنا نەخۆشخانا زارۆکبوونێ ل زاخۆ، و دابینکرنا کەل و پەلێن پێدڤی ب گۆژمێ (238،000،000) دو سەد و سیه و هەشت ملیۆن دیناران.
5- نووژەنکرنا بنگەهێن ساخلەمیێ یێن (دەلال، خابوور، بارزان، تلکەبەر، سەعید پیران) و دابینکرنا کەل و پەلێن پێدڤی ب گۆژمێ (500،000،000) پێنج سەد ملیۆن دیناران.
6- نووژەنکرنا رێڤەبەرییا گشتی یا ساخلەمییا زاخۆ، و دابینکرنا کەل و پەلێن پێدڤی ب گۆژمێ (50،000،000) پێنجی ملیۆن دیناران.
7- نووژەنکرنا بنگەهێ ساخلەمیێ بارزان، و دابینکرنا کەل و پەلێن پێدڤی ب گۆژمێ (58،000،000) پێنجی و هەشت ملیۆن دیناران.
8- دانانا سیستەمێ ئای تی و کامیرەیان، بۆ هەموو نەخۆشخانەیان ب گوژمێ (204،000،000) دو سەد و چوار ملیۆن دیناران.
9- دابینکرنا ئۆتۆموبیلەکا تەزاندنێ (براد) بۆ دەرمانان و (6) شەش ئۆتۆموبیلێن د هەوارهاتنێ .
10- هەروەسا ئەو پسپۆریێن کو پێدڤی ل زاخۆ دێ هێنە پڕکرن.
راگەھاندنا ئیدارا سەربخۆیا زاخۆ
14/11/2021
H.B