گوتارا جەنابێ سەروکێ حکومەتا هەرێمێ بو مەراسیما زڤراندانا (41) روفاتێیت ئێزیدیا ل کۆچۆ
K24- هه‌ولێر:
د رێوڕه‌سما ڤه‌گه‌راندنا 41 روفاتێن كوردێن ئێزیدی ده ژبۆ گوندی كۆچۆ یێ سه‌ر ب قه‌زا شنگالێ، كو د ده‌ما ئێریشا داعشێ ده ژبۆ سه‌ر وێ ده‌ڤه‌رێ هاتبوون كۆمكوژی كرن، گوتارا مه‌سرور بارزانی، سه‌رۆكی حكومه‌تا هه‌رێما كوردستانێ ژ لایێ دیندار زێباری، نونه‌رێ سه‌رۆكێ جڤاتا وه‌زیران ڤه هاته خواندن، ئه‌ڤ ژی ته‌كستا وێیه:
بەرێزان
نونه‌رێن حكومه‌تا فیدرال، یونیتاد و سازیێن نه‌ته‌وه‌یێن ئێكگرتی، رێکخستنێن نێڤدەولەتی و هه‌رێمی، مالباتێت شه‌هید و بریندار و رزگار بوو‌یێت ده‌ستێ تیرورستێن داعش
ئەڤرو ب رێز و حورمه‌ت به‌شدارین ل مه‌راسیما زڤراندنا روفاتێت (41) ئێزیدێیت كۆجۆ و سۆلاغ كو بوونه قوربانیێت جینۆسایدەکا هه‌ری هۆڤانه د دیرۆكا مرۆڤایەتێدا لسه‌ر ده‌ستێ تیرورستێن داعشێ.
پشتی تیرۆریستان هێرش کریە سەر چه‌ند دەڤەرێت هه‌رێما كوردستانێ، ب تایبه‌ت ئەو ده‌ڤه‌رێن كو ئێزیدی و پێكهاتێت ئاینی و نه‌ته‌وی لێ دژین هه‌موو عورفێت مرۆڤی و پره‌نسیپێت مافێ مرۆڤی بن پێ كرن، مال تاڵان کرن، ژن، زارۆك ره‌ڤاندن و ب سه‌دان هزار کەس ئاوارە کرن کو بەرێ خو دایە هه‌رێما كوردستانێ، سەرەڕای هه‌موو كاره‌ساتا ئێزیدیا کەلتوور، ناسنامه و دینێ خو پاراست.
حكوومه‌تا هه‌رێمێ دگه‌ل هه‌موو ئالێین پێوه‌ندیدارێن عیراقی و نێڤده‌وله‌تی هه‌ول ددەت كو جڤاكا ئێزیدی و هه‌موو پێكهاتێن دینی، مه‌زهه‌بی و نه‌ته‌وی د پاراستی بن و تووشی كاره‌ساته‌كا دی نه‌بن و ب ئازادی و حورمه‌ت بژین. و بزڤرنەڤە سەر ماڵێت خو ودەڤەرێن وان بێنە ئاڤەدانكرن، خزمه‌تگوزارێی سەرەتایی بو بهێنە دابینکرن. هه‌روەها داخازێ ل حكوومه‌تا فیدرال دكەین كو قەرەبوویا وان بێتە کرن و تیرۆریست و تاوانبار بهێنە دادگایی کرن و ل گۆری یاسا و پیوەرێن نێڤدەولەتی بێنە جه‌زاكرن.
حكوومه‌تا هه‌رێمێ تاوانێن داعشێ ل دژی ئێزیدیان و پێكهاتێن دی دیکیومێنت کرنە، (5170) دۆسیە هاتنه تۆماركرن، ژ وان زێده‌تری (2324) دۆسیا لێکولینا وان ب داوی هاتنە، ب هه‌ولێت حكومه‌تا هه‌رێمێ ژ بۆ ئازادكرنا ئەوێت هاتنە رەڤاندن هه‌تا نوکە (3550) هاتنە ئازاد کرن ل وان (1206) ئافرەت و (339) مێر، زارۆكێن كچ (1049)، زارۆكێن کوڕ (956)، حكوومه‌تا هەرێمێ دێ به‌رده‌وام بیت لسه‌ر خه‌باتا خو ژ بۆ ئازادكرنا هه‌موو ره‌ڤاندیان.
حکومەتا ھەرێما کوردستانێ، خو ل خوشک و براێیت ئێزیدی کریە خودان و ب شێوەیەکێ فەرمی کار کریە ئەڤ تاوانا ھندا مەزن ب جینوساید بێتە ناساندن و ئەڤەژی ب ئەرکێ خو زانییە، لەورا كۆمیتەکا بلند پێکئینایە ژ بۆ ناساندنا ئەڤان تاوانا وه‌ك جینوساید لسەر ئاستێ نێڤده‌وله‌تی، پێتڤیە کو لایەنێن نێڤدەولەتی بتایبەتی جڤاتا ئاسایشا نێڤدەولەتی ب رێکا راوێژکارێ تایبەت و سەروکێ تیما یونیتادێ روڵێ خو ببینیت بۆ دەستپێکرنا پروسیسا دادگاێ کرنا تاوانبارێن داعشێ لسەر تاوانێن نێڤدەولەتی وەک تاوانێن دژی مروڤایەتی، تاوانێن جەنگ و جینوساید.
لێرە ئەم بفەر دزانین کو پروژە یاسایا هەرێما کوردستانێ بو دامەزراندنا دادگایا تایبەتمەند بو تاوانێن داعشێ کو پێوەرێت نێڤدەولەتی تێدا جێگر بینە ل دویف داواکاری و ب پشتگیریا یونیتادێ کو ل قوناغا کوتاییدایە نابیت رێگری لێ بێتە کرن.
ئەم ب پێویست دبینین کو رێكکه‌فتنا شنگالێ د ناڤبه‌را حكومه‌تا هه‌رێما كوردستانێ و حكومه‌تا ئیتیحادی بۆ ئاساییكرنا ره‌وشا شنگالێ بله‌ز بهێتە جیبجیكرن، چونکە باشترین چاره‌سه‌رە بۆ ئارامی و ئاسایش و ئاڤاكرنا دەڤەرێ و زڤراندنا ئاواره‌یان، دڤێت حكومه‌تا فیدرال و ئالێین نێڤدەولەتی بتایبەتی یۆنامی ب ئەرکێ خو رابن و هەولێت جددیتر بدەەن بو جیبجیکرنا رێککەفتنێ. ئێزیدی پێکهاتەیەکا رەسەنا گەلێ کوردستانێنە و دڤێت ئەم هەمی پێکڤە کار بکەین کو بشێین بارێ وان سڤک بکەین، ئەم ل حکومەتا هەرێمێ بەردەوام پشتەڤان و یارمەتیدەر بووینە کو خزمەتەکا هەژیتر بو خوشک و براێیت ئێزیدی بهێت کرن و ئێش و خەمێت وان کێم بکەین.
ل دیماھیێ، سەرێ رێز و حورمەتێ بو قوربانیێت شنگالا جینوساید کری دچەمینین و ھیڤیا مە ژ خودێ ئەوە، شەھیدا ب بەھەشتێ شاد بکەت و یێت رەڤاندی ڤەگەرێن ب سەرەکێ بلند و ھەمی دەربەدەر وتەناھی و ئاڤەدان کرن پێکڤە ڤەگەرن شنگالا خوشتڤی، لێرە ب پێتڤی دزانم سوپاسیا تیما نه‌ته‌وێن ئێکگرتی بو لێكۆلینێ ل تاوانێن داعش (یونیتاد) دکەین ب سه‌رۆكاتیا بەڕێز كرسچن ریستچەر و سه‌رۆكێ به‌رێ یێ تیمێ بەڕێز كه‌ریم خان، ژ بۆ خه‌باتا وان لسه‌ر دۆسیایا قوربانیێن ئێزیدی.
سلاڤ و رێز بو پێشمەرگێت قەهرەمان ب سەرپەرشتیا جەنابێ سەروک بارزانی کو ل روژا (13/11/2015) شیان دەڤەرا شنگالێ ئازاد بکەن. سوپاسیا ھێزێت ھەڤپەیمانا دکەین کو پشتەڤانێت سەرەکی بوون بو هێزا پێشمەرگە و سوپاێی عێراقی. ئەرکێ لایەنێت ناڤخوێی ێیت پەیوەندیدار و جڤاکا نێڤدەولەتییە هەڵمەتا ئاڤەدانکرن و بونیادنانێ دەستپێبکەن و برینێت ئێزیدییا و هاووڵاتێیت شەنگالێ ساڕێژ بکەن.
نەمری بو قوربانێیت شنگالێ....