پارتی هه‌ڵوێستی خۆی راگه‌یاند
K24 – هه‌ولێر:
مه‌كته‌بی سیاسی پارتی دیموكراتی كوردستان راگه‌یه‌ندراوێكی بڵاوكرده‌وه و تێیدا هه‌ڵوێستی خۆی له باره‌ی دوا بڕیاری دادگای باڵای ئیتحادی و په‌سندكردنی ئه‌نجامه‌كانی هه‌ڵبژاردنی گشتیی عێراق ده‌ربڕی.
ده‌قی راگه‌یه‌ندراوه‌كه
راگەیاندراوێک لە مەکتەبی سیاسی پارتی دیموکراتی کوردستانەوە
پارتی دیموکراتی کوردستان پێشوازی لە بڕیاری دادگای باڵای فیدراڵی دەکات بۆ پەسەندکردنی ئەنجامی کۆتایی ھەڵبژاردنی پێشوەختەی ئەنجوومەنی نوێنەرانی عێراق، کە لە رێکەوتی 10ـی 10ـی 2021ئەنجامدرا. ئەم بڕیارە ھەنگاوە دەستوورییەکان بەدوای خۆیدا دەھێنێت بۆ پێکھێنانی کابینەی داھاتووی حکومەتی فیدراڵ.
لە ھەمان کاتدا جەخت لە بەدواداچوونی ئەو ستەمە دەکەینەوە کە لە پارتیمان کرا لە بە ناحەقبردنی دوو کورسی لە کورسیەکانمان، بە رێگای یاسایی لەلایەن ئەو کاندید و دەنگدەرانەمانەوە کە بە نایاسایی دەنگەکانیان سوتێنران.
مەکتەبی سیاسی
پارتی دیموکراتی کوردستان
27ی 12ی 2021