ژنێک لە تەمەنی 84 ساڵیدا بڕوانامەی دواناوەندی بەدەست دەهێنێت
K24 - هەولێر:
خوێندن و بەدەستهێنانی بڕوانامە مافی هەموو تاکێکە، یەکێک لەو بڕوانامە سەرەتاییانەی کە زۆربەی کەسە خوێندەوارەکان هەیە، بڕوانامەی دواناوەندیە کە بۆ هەمووان شتێکی سادەیە، بەڵام بۆ خاتوونێکی بە رەگەز تورک، یەکێک بوو لە خەونەکانی.
ئاژانسی هەواڵی ئەنادۆڵ، چیرۆکی "گوناش ئونورما"ـی تەمەن 84 ساڵی بڵاوکردەوە، کە دوای ئەو تەمەنە زۆرە دەستی لە خەونەکەی هەڵنەگرتووە و توانیوویەتی خوێندنی دواناوەندی تەواو بکات و بڕوانامە بەدەست بهێنێت.
"گوناش ئونورما" لە ناوچەی "ئەل-مەسعودیە" دەژی، لە ساڵی 2013ـەوە چووەتەوە بەر خوێندن و دوای نزیکەی 9 ساڵ توانی خوێندنی دواناوەندی تەواو بکات و بڕوانامەکەی بەدەست بهێنێت.
#مسنة تركية تحقق حلمها بنيل شهادة #الثانوية بعد بلوغها 84 عاما
— ANADOLU AGENCY (AR) (@aa_arabic) January 19, 2022
السيدة غوناش أونورما، تسعى لاستكمال تعليمها والحصول على #الشهادة_الجامعية#تركيا
https://t.co/omsZDJJRG0 pic.twitter.com/ADbJIeXQL1
ئەم ژنە بەتەمەنە، خاوەنی 6 منداڵ و 18 کوڕەزا و کچەزایە، لە رابردوودا بەهۆی نەبوونیەوە لە خوێندن دابڕاوە، بڕوانامەی خوێندنەکەی لەلایەن گونگور داشقین، بەڕێوەبەری پەروەردەی ناوچەکەیەوە پێدرا کە سەربە ولایەتی "ئۆردو"ـیە.
ئەو لەبارەی پلانی داهاتوویەوە باسی لەوەکرد، کە دەیەوێت بەردەوام بێت لە خوێندن و بڕوانامەی زانکۆس بەدەستبهێنێت.
H.H