لە هێرشێکی داعش دوو کارمەندی هێزە ئەمنیەکان کوژران
K24 - هەولێر:
لە هێرشێکی داعش بۆ سەر گوندێکی پارێزگای دیالە، دوو کارمەندی هێزە ئەمنیەکان کوژران.
بە گوێرەی زانیاریەکانی پەیامنێری کوردستان24، ئێوارەی ئەمڕۆ دووشەممە (24ـی کانوونی دووەم/ یه‌نایری 2022) گرووپێکی 4 کەسی داعش لە گوندی ئەل-حەسناوی سەربە قەزای شارەبان لە پارێزگای دیالە، ھێرشیان کردووەتە سەر چەند ھاووڵاتییەکی هۆزی بەنی تەمیم و لە هێرشەکەدا دووکەس کوژراون ھەردوو کوژراوەکە کارمەندی ھێزە ئەمنیەکانن.
هاوکات هەر ئێوارەی ئەمڕۆ، فڕۆکە جەنگیەکانی عێراق لە ناوچەی تارمیە لە باکووری بەغدا، پێگەی گرووپە چەکدارەکانی داعشیان بۆردومان کردووە.