پرسەنامەی سەرۆکی حکومەتی ھەرێمی کوردستان بۆ كۆچی دوایی عەریف جەمال
K24 - هه‌ولێر:
مه‌سرور بارزانی، سه‌رۆكی حكومه‌تی هه‌رێمی كوردستان له په‌یامێكدا پرسە و سەرەخۆشی ئاراستەی بنەماڵە و کەسوکاری پێشمەرگە و بەرپرسی هەردوو دەزگای ئەیلوول و گوڵانی كەركووك "جەمال حەمەدەمین سەعید" ناسراو بە (عەریف جەمال) كرد.
ده‌قی په‌یامه‌كه‌ی سه‌رۆكی حكومه‌تی هه‌رێمی كوردستان:
پرسە و سەرەخۆشی خۆم ئاراستەی بنەماڵە و کەسوکار و ھەڤاڵانی پێشمەرگەی تێکۆشەر و كەسایەتیی نیشتیمانپەروەر و بەرپرسی هەردوو دەزگای ئەیلوول و گوڵانی كەركووك جەمال حەمەدەمین سەعید ناسراو بە (عەریف جەمال) دەکەم و ھاوبەشی خەمیانم.
خوای مەزن گیانی بە بەهەشت شاد بكات و سەبر و ئارامی بە هەموو لایەك ببەخشێت.
مەسرور بارزانی
سەرۆکی حکومەتی ھەرێمی کوردستان