زانیاری نوێ له باره‌ی ناوه‌ڕۆكی ده‌ستپێشخه‌رییه‌كه‌ی سه‌رۆك بارزانی
K24 - هه‌ولێر:
ئه‌مڕۆ دووشه‌ممه 31ی كانوونی دووه‌م/ یه‌نایه‌ری 2022، سه‌رۆك بارزانی ده‌ستپێشخه‌رییه‌كی نوێی بۆ چاره‌سه‌ركردنی كێشه‌كانی به‌رده‌م پێكهێنانی حكومه‌تی نوێی عێراق و لێكنزیككردنه‌وه‌ی لایه‌نه‌كان خسته‌ڕوو.
له‌و باره‌یه‌وه عه‌ره‌فات كه‌ره‌م، به‌رپرسی دۆسیه‌ی عێراقی له باره‌گای بارزانی، باس له ناوه‌ڕۆكی ده‌ستپێشخه‌رییه‌كه ده‌كات و رایده‌گه‌یه‌نێت، ده‌ستپێشخه‌رییه‌كه بۆ نزیككردنه‌وه‌ی لایه‌نه‌كانه.
عه‌ره‌فات كه‌ره‌م له تویته‌ری خۆیه‌وه‌ی بڵاویكردووه‌ته‌وه، كشانه‌وه‌ی هۆشیار زێباری له كاندیدبوون بۆ سه‌رۆك كۆماری عێراق له چوارچێوه‌ی ده‌ستپێشخه‌رییه‌كه‌ی سه‌رۆك بارزانیدا نییه و هیچ قسه‌یه‌كیش له‌سه‌ر ئه‌و بابه‌ته نه‌كراوه.
سه‌رچاوه‌یه‌كیش له پارتی دیموكراتی كوردستان، كه نه‌یویست ناوه‌كه‌ی ئاشكرا بكرێت، به كوردستان24ی راگه‌یاند، هۆشیار زێباری به‌هێزترین كاندیده و ده‌نگی پێویست بۆ بوونی به سه‌رۆك كۆمار مسۆگه‌ر كراوه.
مبادرة الرئيس بارزاني لا تتضمن سحب هوشيار زيباري، لأنه قرار اتخذناه، فلا رجعة عنه البتة.
— Dr. Arafat Stuni (@arafat_karam) January 31, 2022