نێچیرڤان بارزانی: جەخت لە پابەندی خۆمان بۆ لەنێوبردنی تیرۆر دەکەینەوە
K24 – هه‌ولێر:
نێچیرڤان بارزانی، سەرۆکی هەرێمی کوردستان لە تویتێکدا رایگه‌یاند، ''کوژرانی ئەبو ئیبراهیم قورەیشی گورزێکی کوشندەیە بۆ سەرکردایەتی داعش و کردەیەکی دادپەروەرییە بۆ قوربانیانی تاوانەکانی دەستی ئەو گروپە تیرۆرستییە".
نێچیرڤان بارزانی، له هه‌ژماری تایبه‌تی خۆی له تۆڕی كۆمه‌ڵایه‌تی تویته‌ر، جەخت لە هاوبەشی هەرێمی کوردستان و ویلایەتە یەکگرتووەکانی ئەمه‌ریکا دەکاتەوە و گوتی: "ستایشی ئەمه‌ریکای هاوبەشمان بۆ سەرکەوتنی ئۆپراسیۆنەکانیان دەکەینەوە و جەخت لە پابەندی خۆمان بۆ شەڕکردن و لەنێوبردنی تیرۆر دەکەینەوە".
دوێنێ 3ـی شوبات / فێبرایه‌ری 2022، كۆشكی سپیی راگه‌یه‌ندراوێكی بڵاوكرده‌وه، تێیدا هاتووه، "هێزه‌كانی ئه‌مه‌ریكا به فه‌رمانی جۆ بایدن سه‌رۆكی ئه‌و وڵاته توانییان ئۆپراسیۆنێكی دژه تیرۆری سه‌ركه‌وتووانه بۆ پارێزگاریكردن له ئه‌مه‌ریكییه‌كان و هاوپه‌یمانه‌كان، له باكووری رۆژئاوای سووریا ئه‌نجام بده‌ن و وایانكرد جیهان زیاتر ئارام بێت و بووه هۆی كوژرانی كه‌سی یه‌كه‌می ناو رێكخراوی داعش".
The killing of Abu Ibrahim al-Hashimi al-Qurayshi is a major blow to ISIS leadership and an act of justice for the victims of the terrorist group’s crimes.
— Nechirvan Barzani (@IKRPresident) February 4, 2022
We commend our US partners for the successful mission and we reiterate our commitment to fight and eliminate terror.