مهلا بهختیار: بڕیاری دادگای فیدراڵم قبووڵ نییه
K24- ههولێر:
مەلا بەختیار، ئەندامی ئەنجومەنی باڵای سیاسی و بەرژەوەندییەکانی یەکێتی نیشتمانی كوردستان رایگهیاند، بڕیاری دادگای فیدڕاڵم قبووڵ نەبووە و ئێستاش قبووڵم نییە، چونكە ئەو بڕیارەی دادگای باڵای فیدراڵی سیاسی بوو و پێچەوانەی دەستووری عێراق بوو.
مەلا بەختیار گوتیشی: "مافی سروشتی نەوت و غازی دەرنەھێندراو مافی ھەرێمی كوردستانە و له دهستووردا هیچ ئاماژهیهك بۆ ئهوه نهكراوه، كه نابێت دهست بۆ نهوتی دهرنههێنراو ببرێت".
ئەندامی ئەنجوومەنی باڵای سیاسی و بەرژەوەندییەکانی یەکێتی ئاماژهی بهوهشدا، "كاتی بڕیارهكه و ئامانجەكەشی سیاسیە و پێویسته ھەرێمی كوردستان لەگەڵ دادگای فیدراڵ و ئهنجومهنی نوێنهرانی عێراق لەسەر ئەم پرسە كۆبوونهوهیهكی تێروتهسهل بكهن و پسپۆڕانی یاسایی لهو دانیشتنهدا رۆڵێكی كارا ببینن".
H.B