به راسپاردهی سهرۆكی حكومهت چوار بەنداوی ستراتیژیی لە هەرێمی کوردستان دروست دەکرێن
K24 – ههولێر:
وهزیری كشتوكاڵ و سهرچاوهكانی ئاو ئاشكرای دهكات، بە نوێنەرایەتی حکومەتی هەرێم، لەسەر راسپاردەی سەرۆکی حکومەتی هەرێمی کوردستان، لێک تێگەیشتننامەی دروستکردنی چوار بەنداوی گرنگ و ستراتیژی واژوو كرا.
بێگهرد تاڵهبانی، وهزیری كشتوكاڵ و سهرچاوهكانی ئاو راگهیهندراوێكی بڵاوكردهوه، تێیدا هاتووه، "چوار بەنداوی گرنگ و ستراتیژیی لە هەرێمی کوردستان دروست دەکرێن".
دهقی راگهیهندراو:
بەنوێنەرایەتی حکومەتی هەرێم لەسەر راسپاردەی سەرۆکی حکومەتی هەرێمی کوردستان، بە هەماهەنگی گروپی نێودەوڵەتی کۆمپانیاکانی POWERCHINA، لێک تێگەیشتن نامەی دروستکردنی چوار بەنداوی گرنگ و ستراتیژیمان واژۆکرد.
بەنداوەکانیش بریتین لە:
1/ بەنداوی دەڵگە لە پشدەر
2/ بەنداو خێوەتە لەسلێمانی
3/ بەنداوی مەنداوە لە هەولێر
4/ بەنداوی باکرمان لە دهۆک
ئەنجامدانی ئەم لێک تێگەیشتن نامەیە لە چوارچێوەی هەوڵە بەردەوامەکانی حکومەتی هەرێمی کوردستان و وەزارەتی کشتوکاڵ و سەرچاوەکانی ئاوە بۆ چارەسەری کێشەی گلدانەوەی ئاو و کەمکردنەوەی کاریگەریەکانی دیاردەی وشکەساڵی و زیادکردنی خەزێنی ئاو و باشتر بەرێوەبردنی ستراتیژی سەرچاوەکانی ئاوی هەرێمی کوردستان.
ئەم لێک تێگەیشتن نامەیە لە چوارچێوەی یاسا و رێسا بەرکارەکانی حکومەتی هەرێم و وەزارەتی کشتوکاڵ و سەرچاوەکانی ئاو واژۆکراوە، لەگەڵ یەکێ لە کۆمپانیا بەهێزەکانی وولاتی چین لە چوارچێوەی هەنگاوەکانی حکومەتی هەرێم بۆ دروستکردنی بەنداوە گرنگ و ستراتیژیەکان، لە پێناو بەرژەوەندی گشتی هاووڵاتیانی هەرێمی کوردستان و گەشەپێدانی سێکتەری کشتوکاڵ و ئاودێری.
لە هەوڵەکانمان بەردەوام دەبین بۆ دروستکردنی زنجیرەی بەنداوەکان و پڕۆژەکانی دیكهی ئاودێری و زیاد کردنی سەرچاوەکانی گلدانەوەی ئاوی هەرێمی کوردستان.
بێگەرد تاڵەبانی
وەزیری کشتوکاڵ و سەرچاوەکانی ئاو