به‌فه‌رمانی سه‌رۆكی حكومه‌ت مۆنۆمێنتی شەهیدان لە هەولێر تەواو دەکرێت
کوردستان
مۆنۆمێنتی شەهیدان
پارێزگای هه‌ولێر
مه‌سرور بارزانى سه‌رۆكى حكومه‌تى هه‌رێمى كوردستان
كابینه‌ی نۆیه‌می حكومه‌تی هه‌رێمی كوردستان
كه‌سنه‌زان
K24 - هەولێر:
راگەیاندنى پارێزگاى هەولێر ئاشكرای ده‌كات، به فه‌رمانی سه‌رۆكی حكومه‌تی هه‌رێمی كوردستان مۆنۆمێنتی شەهیدان لە هەولێر تەواو دەکرێت.
پارێزگای هه‌ولێر راگه‌یه‌ندراوێكی بڵاوكرده‌وه، تێیدا هاتووه، به فەرمانى مەسرور بارزانی، سەرۆکی حکومەتى هەرێمى کوردستان، بە مەبەستی تەواوکردنى مۆنۆمێنتی شەهیدان لە هەولێر رەزامەندیی لەسەر خەرجکردنی بڕی 3.280.712.000 سێ ملیار و دووسەد و هەشتا ملیۆن و حەفت سەد و دوازدە هەزار دینار درا.
پارێزگای هه‌ولێر روونیكرده‌وه، مۆنۆمێنتی شەهیدان پڕۆژەیەکى تەواونەکراوە و دواى چەندین ساڵ لەوەستانی، لەلایەن پارێزگای هەولێرەوە سەرپەرشتی تەواوكردنی دەکرێت و کەوتووه‌ته بەرزاییەکانى ناحیەى كەسنەزان، وەک هێمایەک بۆ قوربانیدانى گەلەکەمان و بەرزڕاگرتنی یادى ئەنفال و شەهیدانى کورد و کوردستان دروستکراوە.