43 كۆچبه‌ری نایاسایی له پارێزگای سلێمانی ده‌ستگیركران
K24 - هه‌ولێر:
شانه‌ی راگه‌یاندنی ئه‌منی عێراق بڵاویكرده‌وه، 43 كۆچبه‌ری نایاسایی له سنووری پارێزگای سلێمانییه‌وه هاتوونه‌ته خاكی عێراق.
له راگه‌یه‌ندراوه‌كه‌ی شانه‌ی راگه‌یاندنی ئه‌منی عێراق هاتووه، ئاژانسی هه‌واڵگری و لێكۆڵینه‌وه‌ی فیدراڵی له وه‌زاره‌تی ناوخۆی عێراق توانیویانه 43 كۆچبه‌ری وڵاتانی كیشوه‌ری ئاسیا ده‌ستگیر بكه‌ن، كه به نایاسایی له رێگه‌ی وڵاتێكی دراوسێوه په‌ڕیونه‌ته‌وه سنووری پارێزگای سلێمانی و هاتوونه‌ته خاكی عێراق.
ئاماژه به‌وه‌ش كراوه، دوای ده‌ستگیركردنی ئه‌و كۆچبه‌ره نایاساییانه، رێكاری یاسایی به‌رامبه‌ریان گیراوه‌ته‌به‌ر به‌گوێره‌ی مادده‌ی 24ی یاسای نیشته‌جێبوونی عێراق و رووبه‌ڕووی دادگا ده‌كرێنه‌وه.