سهرۆكى ههرێمى كوردستان لهگهڵ جێگرى وهزيرى دهرهوهى ئيتاڵيا كۆبووهوه
k24:ههولێر:
پاشنيوهڕۆى ئهمڕۆ شهممه 2022/6/4 نێچيرڤان بارزانى، سهرۆكى ههرێمى كوردستان، پێشوازى له مارينا سێرێنى، جێگرى وهزيرى دهرهوهى ئيتاڵيا و شاندێكى ياوهرى كرد.
له كۆبوونهوهيهكدا پهيوهندييهكانى ئيتاڵيا لهگهڵ عێراق و ههرێمى كوردستان، دوايين پێشهاتهكانى دۆخى سياسيى عێراق، پهيوهندييهكانى ههولێر ـ بهغدا، دۆخى ناوخۆى ههرێمى كوردستان، مهترسييهكانى تيرۆر و جموجووڵهكانى داعش تاوتوێ كران.
نێچيرڤان بارزانى وێڕاى نيشاندانى خواستى ههرێمى كوردستان به برهودان به پهيوهندييهكانى لهگهڵ ئيتاڵيا و فراوانكردنى بوارهكانى هاريكاريى نێوانيان، سوپاس و پێزانينى ههرێمى كوردستانى بۆ پشتگيريى مرۆيى و سهربازيى ئيتاڵيا له عێراق و ههرێمى كوردستان له شهرى دژى تيرۆردا دووپاتكردهوه.
ههردوولا هاوڕا بوون لهسهر گرنگيى ههبوونى سهقامگيريى ئهمنى و سياسى و ئابوورى له عێراق و پێويستيى گفتوگۆ و گهيشتنى لايهنه عێراقييهكان به لێكگهيشتنێك كه پرۆسهى سياسيى وڵات له بنبهست و چهقبهستوويى رزگار بكات و حكومهتێك بهێنێته ئاراوه كۆكهرهوه و وڵامدهرهوهى خواستهكانى گهل و پێهكاتهكانى عێراق بێت.
جێگرى وهزيرى دهرهوه بانگهێشتى وهزيرى دهرهوهى ئيتاڵياى بۆ نێچيرڤان بارزانى دووپاتكردهوه تا سهردانى رۆما بكات و جهختى لهوه كردهوه كه رۆژههڵاتى ناوهڕاست، عێراق و ههرێمى كوردستان له ريزى پێشهوهى بايهخ و پرۆگرامى گهشهپێدان و هاريكاريى ئيتاڵيادان و وڵاتهكهى به گرنگييهوه له عێراق و ههرێمى كوردستان دهڕوانێت.
له كۆوونهوهكهدا كه باڵيۆزى ئيتاليا له بهغدا و كونسوڵيان له ههولێر ئاماده بوون، ئامادهيى و چالاكييهكانى ئيتاڵيا له بوارى كولتوورى و شوێنهوارناسيدا له عێراق و ههرێمى كوردستان، دۆخى سووريا و چهند پرسێكى ديكهى جێى بايهخى هاوبهش خرانه بهر باس.