کارەبای هەندێك ناوچەی هەولێر و دهۆک دەبێتە 24 کاتژمێری
K24 - هەولێر:
لە هەندێک ناوچەی پارێزگاکانی هەولێر و دهۆک، کە بازاڕ و یەکەی نیشتەجێبوون لەخۆدەگرن، پێدانی کارەبای 24 کاتژمێری بە سیستەمی پریپەید جێبەجێکرا.
وەزارەتی کارەبای حکومەتی هەرێمی کوردستان رایگەیاند، کارەبای 24 کاتژمێری بە سیستەمی پریپەید (پارەدانی پێشوەختە) لە دوو بازاڕی هەولێر و دهۆک و یەکەیەکی نیشتەجێبوون بە سەرکەوتوویی جێبەجێکرا.
ئاماژەی بەوەشدا، "ئەم هاوبەشانە بە لۆد و بارزۆرییەکی کەمەوە، 24 کاتژمێر کارەبایان هەیە".
هاوکات وەزارەتی کارەبا بڵاویشیکردەوە، کەمال محەمەد ساڵح وەزیری کارەبا بەمەبەستی لە نزیکەوە گوێبستی راوبۆچوون و داواکاری کاسبکاران و خاوەن فرۆشگاکان، سەردانی بازاڕی دهۆکی کرد و گوێبستی کاسبکاران بوو.