بارەگای بارزانی پەیامێكی سەرەخۆشیی ئاراسته‌ی شاكر ئەپۆزدەمیر كەسایەتیی باكووری كوردستان كرد
K24 – هه‌ولێر:
به‌بۆنه‌ی كۆچی دوایی نیعمەتوڵڵا ئەپۆزدەمیر، بارەگای بارزانی پەیامێكی سەرەخۆشیی ئاراسته‌ی شاكر ئەپۆزدەمیر، كەسایەتیی باكووری كوردستان كرد و تێیدا رایگه‌یاند، سەرەخۆشی لە ئێوە و خانەوادە تێكۆشەرەكەتان و تەواوی كەسوكار و ئاشنایانتان دەكەین.
ده‌قی په‌یامه‌كه:
بەناوی خودای بەخشندە و میهرەبان
بەڕێز كاك شاكر ئەپۆزدەمیر
بە داخێكی زۆرەوە هەواڵی كۆچی دوایی كەسایەتیی وڵاتپارێزی باكووری كوردستان و برای بەڕێزتان نیعمەتوڵڵا ئەپۆزدەمیرمان بیست.
سەرەخۆشی لە ئێوە و خانەوادە تێكۆشەرەكەتان و تەواوی كەسوكار و ئاشنایانتان دەكەین و خۆمان بە هاوبەشی خەمتان دەزانین.
لە خودای گەورە داواكارین رۆحی خوالێخۆشبوو نیعمەتوڵڵا ئەپۆزدەمیر بە بەهەشتی بەرین شادبكات و سەبر و ئارامی بە هەموو لایەك ببەخشێت.
انا للە و انا الیە راجعون
بارەگای بارزانی
15ی تشرینی یەكەمی 2022