سەرۆکی کۆریای باکوور کۆمەڵێک بڕیاری سیاسی رادەگەیەنێت
K24 - هەولێر:
تەلەفیزۆنی فەرمی کۆریای باکوور بڵاویکردەوە، پێش هاتنی ساڵی نوێ کیم جۆن ئون سەرۆکی کۆریای باکوور لەگەڵ پارتی دەسەڵاتداری ئەو وڵاتە کۆدەبێتەوە و تیایدا کۆمەڵێک بڕیاری گرنگی سیاسی رادەگەیەنن.
تەلەفیزۆنی فەرمی کۆریای باکوور راشیگەیاند، لە کۆبوونەوەکە سەرجەم بەرپرسە باڵاکانی پارتی کۆمۆنیستی دەسەڵاتدار بەشداری دەکەن و چاوەڕوان دەکرێت بڕیار لەسەر زیادکردنی تاقیکردنەوەی مووشەکە بالیستییە کیشوەربڕەکان بدرێت.
هەروەها لە کۆبوونەوەکەدا چاوەڕێدەکرێت، کیم جۆن ئون دۆسیەی دۆخی ئابووری وڵات و رێکارەکانی رووبەڕووبوونەوەی کۆرۆنا لەگەڵ دەسەڵاتدارانی وڵاتەکەی تاوتوێ بکات.