عهلی حوسێن: ناكرێت پارتی و یهكێتی مهرج بۆ یهكتر دابنێن
K24 - ههولێر:
بهرپرسی مهكتهبی رێكخستنی سلێمانی – ههڵهبجهی پارتی دیموكراتی كوردستان به كوردستان24ـی راگهیاند، ناکرێت پارتی و یەکێتی بۆ ئهنجامدانی كۆبوونهوه و چارهسهركردنی كێشه ههڵپهسێردراوهكان مەرج بۆ یەکتر دابنێن.
ئهمڕۆ دووشهممه (9ـی كانوونی دووهم/یهنایهری 2023)، عهلی حوسێن، بهرپرسی مهكتهبی رێكخستنی سلێمانی – ههڵهبجهی پارتی دیموكراتی كوردستان به كوردستان24ـی راگهیاند، ناکرێت پارتی و یەکێتی بۆ ئهنجامدانی كۆبوونهوه و چارهسهركردنی كێشه ههڵپهسێردراوهكان مەرج بۆ یەکتر دابنێن، چونکە بەرپرسیارێتی هاوبەش و خاڵی هاوبەش لەنێوانیان هەیە، عەلی حوسێن، راشیگەیاند، "لەگەڵ هەر هەڵبژاردنێکین كه لە ههرێمی کوردستان و عێراق ئهنجامبدرێن".
لهبارهی ئهنجامدانی كۆبوونهوه لهگهڵ یهكێتی نیشتمانی كوردستان، عهلی حوسێن گوتی: "لهماوهی رابردوودا لهگهڵ یهكێتی كۆبوونهوهمان ههبووه، ئێستاش ههیه و له داهاتووشدا دهبێت، هاوكاری یهكتر دهبین و بهرپرسیارییهتیمان لهسهر شانه و به گفتوگۆ كێشهكان لهگهڵ یهكێتی چارهسهردهكهین". سەبارەت بە ناکۆکییەکانی نێوان پارتی و یەکێتی، ئاماژهی بهوهکرد، کە ئەزموونیان هەیە ناکۆکی زیانی بە بەرژەوەندییەکانی هەرێمی کوردستان وهەردوولا گەیاندووە، هەروەها بە دیالۆگ و پێکەوەکارکردن خزمەتیان بە ئەزموونی هەرێمی کوردستان کردووە.
بهرپرسی مهكتهبی رێكخستنی سلێمانی – ههڵهبجهی پارتی دیموكراتی كوردستان روونیشیكردهوه، سهرهڕای ناكۆكییهكان، بهڵام خاڵی هاوبهشیش لهنێوان پارتی و یهكێتیدا ههیه و دیدی سهركردایهتی پارتی دیدی بهیهكهوه كاركردنه. ئاماژهی بهوهشكرد، دوای ئهنجامدانی كۆنگره، سهركردایهتی پارتی بڕیاریداوه لهگهڵ سهرجهم لایهنه سیاسییهكانی ههرێمی كوردستان و بهتایبهت لهگهڵ یهكێتی كۆببێتهوه.