سەرۆکی حکومەتی هەرێمی کوردستان لەگەڵ حاکمی ره‌ئس ئه‌لخه‌یمه کۆبووەوە
K24 – هه‌ولێر:
سه‌رۆكی حكومه‌تی هه‌رێمی كوردستان له په‌راوێزی به‌شداریكردن له لوتكه‌ی جیهانی حكومه‌ته‌كان له دوبه‌ی، له‌گه‌ڵ حاكمی میرنشینی ره‌ئس ئه‌لخه‌یمه كۆبووه‌وه.
ئەمڕۆ دووشەممە (13ـی شوبات/فێبرایه‌ری 2023)، مەسرور بارزانی، سەرۆکی حکومەتی هەرێمی کوردستان لە شاری دوبەی، لەگەڵ شێخ سعوود بن سەقەر ئەلقاسمی، حاکمی میرنشینی ره‌ئس ئەلخەیمە کۆبووەوە.
لە دیدارەکەدا گفتوگۆ دەربارەی پەرەپێدانی پەیوەندیی دۆستانەی نێوان هەردوولا و دوایین پێشهاتەکانی عێراق و ناوچەکە بە گشتی کرا.
له‌لایه‌ن خۆیه‌وه، حاکمی ره‌ئس ئەلخەیمە ئاماژەی بەوەکرد، کە شانازی بە دۆستایەتیمان لەگەڵ هەرێمی کوردستان دەکەین و بە هیوای پتەوکردنی زیاتری پەیوەندییەکانمانین لە هەموو ئاستەکاندا.
هه‌روه‌ها سەرۆکی حکومەتی هەرێمی کوردستان، جەختی لە بەها هاوبەشەکانی نێوان هەرێمی کوردستان و ئیمارات کردەوە و دووپاتی کردەوە، کە هەرێمی کوردستان دەیەوێت سوود لە ئەزموونی سەرکەوتووی ئیمارات لە بواری بنیاتنان و ئاوەدانکردنەوەدا وەربگرێت.
سه‌رۆكی حكومه‌تی هه‌رێمی كوردستان له تویتێكدا سه‌باره‌ت به دیداری حاكمی ره‌ئس ئه‌لخه‌یمه، راگه‌یاندووه، خۆشحاڵبووم به بینینی هاوڕێم شێخ سعوود بن سه‌قر ئه‌لقاسمی له‌په‌راوێزی لوتكه‌ی جیهانی حكومه‌ته‌كان.
له تویته‌كه‌ی سه‌رۆكی حكومه‌تی هه‌رێمی كوردستاندا هاتووه، "به په‌رۆشه‌وه چاوه‌ڕوانم به‌خێرهاتنی حاكمی ره‌ئس ئه‌لخه‌یمه بكه‌م له هه‌رێمی كوردستان له‌به‌رامبه‌ر ئه‌و میواندارییه گه‌رموگوڕه‌ی له ره‌ئس ئه‌لخه‌یمه له ئێمه‌ی كرد".
I’m happy to see my friend HH Sheikh Saud bin Saqr Al Qasimi during the margins of #WGS23.
— Masrour Barzani (@masrourbarzani) February 13, 2023
I look forward to welcoming His Highness to the Kurdistan Region to reciprocate his warm hospitality in Ras Al Khaimah -mb. pic.twitter.com/tCeiliu8tv
