بەهۆی تەقینەوەی درۆنێکەوە لە شارۆچکەیەکی رووسیا سێ کەس بریندار بوون

K24 - هەولێر:

لە شارۆچکەی کیریکیڤیک لە هەرێمی تولا درۆنێک خۆی بە باڵەخانەیەکی نیشتەجێبووندا کێشاوە و بەهۆیەوە سێ کەس برینداربوون.

بەرپرسانی رووسیا وردەکاری لەسەر رووداوەکە ئاشکرا ناکەن، هێشتان دیار نیە ئەو درۆنە لە ئۆکرانیاوە رەوانەکراوە یان نا.

ئەو شارۆچکەیەی تەقینەوەکەی تێدا روویداوە دەکەوێتە هەرێمی تولا و 300 کیلۆمەتر لە سنوورەکانی ئۆکرانیا و 175 کیلۆمەتر لە مۆسکۆی پایتەختەوە دوورە.

له‌ 24ـی شوباتی 2022، به‌ فه‌رمانی ڤلادیمێر پوتنی سه‌رۆكی رووسیا هێرشكرایه‌سه‌ر خاكی ئۆكرانیا و به‌هۆیه‌وه‌ هه‌زاران كه‌س له‌ سه‌ربازان و هاووڵاتیان كوژراون و ملیۆنه‌ها ئۆكرانیش ئاواره‌ی وڵاتانی ئه‌وروپی بوون، تا ئێستاش ئه‌و جه‌نگه‌ به‌رده‌وامه‌.