لە سعوودیە بەهۆی رووداوێکی هاتووچۆیەوە 20 عەمرەکار گیانیان لەدەستدا
K24 - هەولێر:
لە سعوودییە 20 کەس لە ئاکامی رووداوێکی هاتووچۆی پاسێک کە عەمرەکارانی هەڵگرتبوو گیانیان لەدەستدا.
میدیاکانی سعوودیە بڵاویانکردووەتەوە، پاسێک لە نێوان شارەکانی ئەبها و عەسیر لە باشووری رۆژئاوای وڵاتەکە دوای ئەوەی وەستێنەری لەدەستداوە خۆی بە پردێکدا کێشاوە.
ئاماژە بەوەش کراوە، پاسەکە کە عەمرەکارانی دەگواستەوە بەهۆی پێکدادانەکەوە وەرگەڕاوە و دواتر گڕیگرتووە، بەهۆیەوە 20 سەرنشین گیانیان لەدەستداوە و ژمارەیەکی زۆریش برینداربوون.
هاوکات میدیاکانی یەمەن باسیان لەوە کرد کە ئەو پاسەی تووشی رووداوەکە بووە عەمرەکارانی یەمەنی هەڵگرتبوو.
هێشتا هیچ روونکردنەوەیەک لەلایەن لایەنە فەرمییەکانەوە لەسەر رووداوەکە نەدراوە.