زانیاری لەبارەی هاوپەیمانییەتەکان و کاندیدەکانی هەڵبژاردنی سەرۆکایەتی تورکیا

K24 - هەولێر:

لە ئینفۆگرافیکێدا، کۆڤان عیزەت باس لە هاوپەیمانییەتەکان و کاندیدانی هەڵبژاردنی سەرۆکایەتی تورکیا دەکات کەوا بڕیارە لە 14ـی ئایاری داهاتوو بەرێوەبچێت.

رۆژی 31ـی ئاداری 2023، لەلایەن کۆمیسیۆنی باڵای هەڵبژاردنەکانی تورکیاوە، ناوی کاندیدانی سەرۆکایەتی کۆمار پەسەندکرا و چوار کاندید بەشداری لە هەڵبژاردنەکان دەکەن. لەبەرامبەردا چاوەڕوان دەکرێت گەورەترین رکابەریی لە نێوان هاوپەیمانی کۆمار و هاوپەیمانی میللەت بەرێوەبچێت کە کاندیدەکانیان بۆ هەڵبژاردنی سەرۆکایەتی کۆماری تورکیا رەجەب تەیب ئەردۆغان و کەماڵ کڵچدارئۆغڵووە.