کەشناسی رەوشی کەشوهەوای دوو رۆژی راگەیاند
K24 – هەولێر
بەشی کەشناسی و بوومەلەرزەزانی هەرێمی کوردستان، پێشبینییەکانی بۆ 48 کاتژمێری داهاتوو بڵاوکردەوە و پێشبینبی دەکات لە هەندێک ناوچە نمە باران ببارێت.
بەگوێرەی پێشبینییەکانی کەشناسی، ئەمڕۆ ئاسمان لە نێوان پەڵەهەور و نیمچە هەور دەبێت، لە هەندێک شوێن بۆ هەوری تەواو دەگۆڕێت، لە دوای نیوەرۆ لە ناوچە شاخاوییە سنورییەکان نمە باران دەبارێت.
کەشناسی راشیگەیاندووە، پلەی گەرما بەرز دەبێتەوە بە (2-4) پلە بەراورد بە تۆمارەکانی دوێنێ.
لەبارەی کەشوهەوای سبەی کەشناسی رایگەیاندووە، ئاسمان لەنێوان پەڵە هەور و نیمچە هەور دەبێت، پلەی گەرما نزم دەبێتەوە بە(2-4 ) پلە بەراورد بە تۆمارەکانی ئەمڕۆ.
بەرزترین پلەکانی گەرمای پێشبینیکراو بە پلەی سیلیزی :
هەولێر: 22 پلەى سیلیزى
سلێمانی: 20 پلەى سیلیزى
دهۆک: 21 پلەى سیلیزى
کەرکوک: 24 پلەى سیلیزى
هەڵەبجە: 21 پلەى سیلیزى
زاخۆ: 22 پلەى سیلیزى
سۆران: 21 پلەى سیلیزى
گەرمیان: 26 پلەى سیلیزى