تاران: پێشوازی لە هەر پەرەسەندنێکی ئەرێنی لە نێوان گەلانی ئێران و میسر دەکەین
K24 – هەولێر:
وەزارەتی دەرەوەی ئێران رایگەیاند، تاران گەشتی میسرییەکان بۆ ئێران سنووردار ناکات و پێشوازی لە هەر پێشکەوتنێکی ئەرێنی لە پەیوندییەکانی نێوان ئێران و میسر دەکات.
ناسر کەنعانی، گوتەبێژی وەزارەتی دەرەوەی ئێران، لە کۆنفرانسێکی رۆژنامەوانی هەفتانەدا گوتی: "ئێمە پێشوازی لە هەر پێشکەوتنێکی ئەرێنی پێشکەوتوو دەکەین، لەبەهێزکردنی پەیوەندییەکانی نێوان گەلانی ئێران و میسردا".
هەروەها کەنعانی گوتیشی: "سەبارەت بە گەشتی هاووڵاتییانی میسر بۆ ئێران، هیچ رێگرییەکیان لێ ناکەین، هەروەها پێشوازی لە گەشتیارانی میسر دەکەین و بەخێرهاتنیان دەکەین بۆ وڵاتەکەمان".
پێشتریش سەرچاوەیەکی میسری ئاگادار ئاشکرای کردبوو، کەناڵەکانی پەیوەندی نێوان ئێران و میسر لە بازنەییەکی تایبەتدا بوونی هەیە و نەوەستاوە.
جەختی لەوەشکردەوە، قورسە پێشبینی کاتی هەنگاوێکی سیساسی بکرێت، لە چوارچێوەی دەستپێکردنەوەی پەیوەندییەکانیانی نێوان هه‌ردوو وڵاتدا.