سبەی لە عێراق و قەتەر و ئیمارات یەکەم رۆژی جەژنی رەمەزانە

K24 - هەولێر:

سبەی لە عێراق و قەتەر و ئیمارات یەکەم رۆژی جەژنی رەمەزانە.

دیوانی وەقفی سوننی و خانەی فتوانی عێراق تایبەت بە سوننەکانی عێراق رایگەیاند، سبەی هەینی (21ـی نیسانی 2023) یەکەم رۆژی جەژنی رەمەزانی پیرۆزە.

هەروەها دوای هەریەکە لە وڵاتانی تورکیا و سعوودیە، قەتەر و ئیماراتیش رایانگەیاند، سبەی یەکەم رۆژی جەژنی رەمەزانی پیرۆزە، بەڵام هەریەکە لە وڵاتانی میرنشینی عومان، مالیزیا، ئەندۆنیسیا، ژاپۆن، سەنگاپوورە، میرنشینی برۆنای، ئوسترالیا و تایلەند رایانگەیاند، سبەی هەینی تەواوکەری مانگی رەمەزان دەبێت و رۆژی شەممە 22ـی نیسان دەبێتە یەکەم رۆژی جەژنی رەمەزانی پیرۆز و یەکەم رۆژی مانگی شەوال بەپێی رۆژمێری کۆچی.