لە رۆژی جیهانى كرێكاران لە سلێمانى كورته فيلمێك نمایش دەکرێت

K24 – هەولێر

بڕیارە سبەی لە رۆژی جیهانی کرێکاران کورتە فیلمێک بەناوی (هەموومان كرێكارین) لە سلێمانی نمایش بکرێت.

ئەو کورتە فیلمە لە سیناریۆ و دەرهێنانی رێبوار محەممەد و   كامێرای قانع هۆلان-ـە، 20 ئەکتەر و کۆمەڵێک کرێکار بەشداریان لە فیلمەکەدا کردووە و كارى وێنەگرتنى لەناو شارى سلێمانى بۆ ئەنجام دراوە.

رێبوار محەممەد بە کوردستان24ی گوت: "ماوەی فیلمە 30  خولە كە  ناوەڕۆكى فيلمەکە باس له ماف و  پە راوێزخستنی چینی كرێكاران و نەبوونی ژێرخانی  ئابووری و زۆر كردنی كاتی كاركردنی كرێكاران و ساڵانە چەندین كرێكار لەكاتی كاركرنی لە باڵەخانەكان دەکەونە خوارەوە گیان لەدەست دەدەن.  بێ ئەوەی هیچ قەرەبووی  ماڵ و منداڵیان بكرێتەوە".

گوتیشی: "لەو کورەتە فیلەمەدا دەمانەوێت پەیامی ئەوە بگەیەنین کە بەردەوام خوێندكار و قوتابی واز له خوێندن دەهێنن و  کرێکاری دەکەن یان لە پاڵ خوێندن کرێکاری دەکەن".