سەرۆکوەزیران مەسرور بارزانی پیرۆزبایی لە شا چارلسی سێیەم دەکات
K24 – هەولێر:
سەرۆکی حکومەتی هەرێمی کوردستان بەبۆنەی بەڕێوەچوونی رێورەسمی تاج لەرسەنانەوە، پیرۆزبایی ئاراستەی شا چارلسی سێیەم، پادشای بەریتانیا و شاژن کامیلا کرد.
ئەمڕۆ شەممە (6ـی ئایاری 2023)، مەسرور بارزانی، سەرۆکی حکومەتی هەرێمی کوردستان لە تویتەر پەیامێکی بڵاوکردەوە کە تێیدا هاتووە، "پیرۆزبایی لە شا چارلسی سێیەم و شاژن کامیلا دەکەم، بەوپەڕی خۆشحاڵییەوە چاوەڕێی ئەوە دەکەین کە پەیوەندییەکانمان لە ژێر دەسەڵاتی ئێوەدا زیاتر بەهێزتر بن".
لە پەیامەکەیدا سەرۆکوەزیران مەسرور بارزانی ئاماژە بەوەشکردووە، "ئێمە بەردەوام بەریتانیا وەک هاوبەشێکی باوەڕپێکراو و دۆستێک دەبینین کە هەردووکیان لە مێژوومان تێدەگەن و لە تەنگانەدا لەگەڵمان دەوەستن".
ئەمڕۆ لە کڵێسای وێست مینستەر لە لەندەن، بە ئامادەبوونی خانەوادەی شاهانە و میوانێکی زۆر، رێورەسمی تاج لەسەرنان بۆ شا چارلسی سێیەم بەڕێوەچوو.
Congratulations to King Charles III and Queen Camilla.
— Masrour Barzani (@masrourbarzani) May 6, 2023
We look forward to our ties strengthening further under your reign.
We continue to see the United Kingdom as a reliable partner and a friend who both understands our history, and stands by us through our tribulations -mb.