سهرۆكوهزیران مهسرور بارزانی: لە پاڵپشتییكردنی جووتیارانی کوردستان بهردهوامین
K24 - هەولێر:
سهرۆكوهزیران مهسرور بارزانی رایدهگهیهنێت، بەردەوامین لە پاڵپشتیی جووتیارانی کوردستان.
له ههژماری تایبهتی خۆی له تۆڕی كۆمهڵایهتی تویتهر، سهرۆكوهزیران مهسرور بارزانی نووسیوویهتی: "بەردەوامین لە پاڵپشتیی جووتیارانی کوردستان، بە دروستکردنی بەنداو و هێنانی تەکنەلۆژیای نوێ و دۆزینەوەی بازاڕ بۆ بەروبوومەکانیان".
ئەمڕۆ شەممە 27ـی ئایاری 2023، نەوزاد شێخ کامیل، بەڕێوەبەری گشتیی بازرگانی لە وەزارەتی بازرگانی و پیشەسازی هەرێمی کوردستان بە کوردستان24ـی راگەیاندبوو، پڕۆسەی وەرگرتنی گەنمی جووتیاران لە سایلۆکانی پارێزگاکانی هەرێمی کوردستان دەستیپێکرد و پڕۆسەکە بۆ ماوەی چەند رۆژێک بەردەوام دەبێت.
ههر ئەمڕۆ (شەممە 27ـی ئایاری 2023)، سەرۆکوەزیران مەسرور بارزانی سەردانی دەشتی زرارەتی لە پارێزگای هەولێر كرد و لە نزیکەوە، لە بارودۆخی جووتیارانی پرسی و بەشداری لە دروێنەکردنی دانەوێڵە لەو دەڤەرە کرد، کە هاوکاتە لەگەڵ پرۆسەی وەرگرتنی گەنمی جووتیاران لە سایلۆکانی هەرێمی کوردستان.
بەگوێرەی راگەیەندراوێکی حکومەتی هەرێمی کوردستان، "لە دانیشتنێکدا لەگەڵ ژمارەیەک لە جووتیارانی دەڤەرەکە، سەرۆکوەزیران مەسرور بارزانی جەختی لەوە کردەوە کە حکومەتی هەرێمی کوردستان، هەموو هەوڵی دەخاتەگەڕ لە پێناو گرنگیدانی زیاتر بە کەرتی کشتوکاڵ و بەبازاڕکردنی بەرهەمی جووتیارانی کوردستان، بە شێوەیەک کە نابێت خەمی ساخکردنەوەی بەرهەمەکانیان هەبێت. "
سەرۆکی حکومەتی هەرێمی کوردستان ئاماژەی بەوەداوە، "ئەو گۆڕانکارییانەی لە پشکی هەرێمی کوردستان لە بودجەی فیدراڵیدا کراون، ناپاکی و ستەمکاری و پیلانگێڕییە لە دژی هەرێمی کوردستان، بەڵام بە هەموو شێوەیەک ڕووبەڕووی ئەو پیلانگێڕییە دەبینە و ناهێڵین سەر بگرێت. ئەوەی جێی داخە ئەو دەستە ناوخۆییەیە کە بەشدارە لەم پیلانگێڕییە. لەوەش خراپتر، کەمکردنەوەی دەسەڵاتەکانی هەرێمی کوردستان بەدەسکەوت بۆ خۆیان بزانن. بەڵام دڵنیاتان دەکەینەوە ئەمە هەوڵێکی نەزۆکە و سەر ناگرێت".
بەردەوامین لە پاڵپشتیی جووتیارانی کوردستان بە دروستکردنی بەنداو و هێنانی تەکنەلۆجیای نوێ و دۆزینەوەی بازاڕ بۆ بەروبوومەکانیان.
— Masrour Barzani (@masrourbarzani) May 27, 2023
We’re backing Kurdistan’s farmers by investing in dams, technology and access to new markets. pic.twitter.com/RmK9yYqQhc
— Masrour Barzani (@masrourbarzani) May 27, 2023