گوتهبێژی وهزارهتی دارایی بۆ کوردستان24: رۆژی یەکشەممە بەغدا 400 ملیار دینار دەخاتە سەر هەژماری بانکی وەزارەتی دارایی
K24 - هەولێر:
گوتەبێژی وەزارەتی دارایی و ئابووریی حکومەتی هەرێمی کوردستان رایگەیاند، رۆژی یەکشەممەی داهاتوو وابڕیارە 400 ملیار دینار لەلایەن حکومەتی عێراقەوە بخرێتە سەر هەژماری بانکی وەزارەتەکەیان و لە رۆژی شەممەوە ئامادەکاری بۆ دابەشکردنی مووچە دەکرێت.
رۆژی پێنجشەممە (22ـی حوزەیرانی 2023)، هونەر جەمال، گوتهبێژی وهزارهتی دارایی و ئابووریی حكومهتی ههرێمی كوردستان بۆ كوردستان24 رایگەیاند، بڕیاره رۆژی یهكشهممه (25ـی حوزەیرانی 2023)، حكومهتی عێراق 400 ملیار دینار بخاتهسهر ههژماری بانكی وهزارهتی دارایی.
هونهر جهمال گووتیشی: له رۆژی شهممهوه ئامادهكاری بۆ دابهشكردنی مووچهی وهزارهتهكان دهكرێت، و ههوڵدهدهین پێش جهژنی قوربان ههموو وهزارهتهكان مووچه وهربگرن.
رۆژی یەکشەممە (18ی حوزەیرانی 2023)، دابەشکردنی مووچە دەستیپێکرد و بەپێی خشتەی وەزارەتی دارایی تا رۆژی پێنجشەممە (22ـی حوزەیرانی 2023) ئەم وەزارەت و دامودەزگایانە مووچەیان وەرگرت کە بریتین لە، وەزارەتەکانی تەندروستی، دارایی، ناوخۆ، بەڕێوبەرایەتی دامودەزگا نەوتییەکان، بەڕێوبەرایەتی گشتی رەگەزنامە، دیوانی وەزارەتی پێشمەرگە و لیواکانی سەر بە وەزارەتی پێشمەرگە.
هەروەها رۆژی (19ـی حوزەیرانی 2023)، جووتیار عادل، بە کوردستان24ی راگەیاند: "وەزارەتی دارایی و حکومەتی هەرێمی کوردستان لە هەوڵدان، بۆ ئەوەی لەم ماوەیەدا گرفتەکان چارەسەر بکەن، تا بتوانرێت پێش جەژن مووچەی هەموو وەزارەتەکان دابەشبکرێت".
رۆژی (15ـی حوزەیرانی 2023)، وەزارەتی دارایی و ئابووریی حکومەتی هەرێمی کوردستان رایگەیاند، لەسەر بڕیاری ئەنجومەنی وەزیرانی عێراق، بڕی 400 ملیار دینار لە رێگای بانکی رەشید و رافیدەینەوە خرایە سەر هەژماری بانکی وەزارەتەکەیان لە لقی هەولێری بانکی ناوەندی عێراق.