دوكان.. گه‌شتیارێكی عه‌ره‌ب له‌كاتی مه‌له‌كردندا خنكا
K24 - سلێمانی:
كه‌مێك له‌مه‌ومه‌به‌ر گه‌شتیارێكی به ره‌گه‌ز عه‌ره‌ب له‌كاتی مه‌له‌كردندا له به‌نداوی دوكان خنكا.
سیروان سه‌رحه‌د قایمقامی قه‌زای دوكان به كوردستان24ـی راگه‌یاند، گه‌شتیارێكی به‌ره‌گه‌ز عه‌ره‌ب له‌كاتی مه‌له‌كردندا له به‌نداوی دوكان خنكا و تیمه‌كان سه‌رقاڵی دۆزینه‌وه‌ی ته‌رمی ئه‌و گه‌شتیاره‌ن.
ساڵانه له وه‌رزی هاوین و جه‌ژنه‌كاندا، گه‌شتیارێكی زۆر له ناوه‌ڕاست و باشووری عێراق بۆ به‌سه‌ربردنی كاتێكی خۆش و دووركه‌وتنه‌وه له گه‌رمای ناوچه‌كانیان، سه‌ردانی هه‌رێمی كوردستان ده‌كه‌ن و رووداوی مه‌له‌كردن و خنكان دووباره ده‌بنه‌وه.