لە رووداوێکی سەختی هاتووچۆدا لە کینیا 48 کەس گیانیان لەدەستدا
K24 - هەولێر
لە رووداوێکی سەختی هاتووچۆدا لە کینیا لانیکەم 48 کەس گیانیان لەدەستدا و دەیان هاووڵاتیی دیکەش بریندارن.
ئێوارەی شەوی رابردوو (هەینی 30ـی حوزەیرانی 20023)، لە رۆژئاوای وڵاتی کینیا، لە کاتێکدا قەرەباڵغی هاتووچۆ لەسەر رێگەیەکی سەرەکی ئەو وڵاتە هەبووە، بارهەڵگرێک بە خێراییەکی زۆرەوە خۆی کێشا بە ژمارەیەک ئۆتۆمبێلدا.
جیۆفری مایەک، فەرماندەی پۆلیسی ناوخۆی ئەو وڵاتە بە ئاژانسی هەواڵی فەرەنسی (ئەی ئێف پی) راگەیاندووە، بەهۆی رووداوەکەوە لانیکەم 48 کەس گیانیان لەدەستداوە و دەیان کەسی دیکەش بریندارن.
بەگوێرەی هەمان سەرچاوەی ئاژانسی هەواڵی فەرەنسی، رووداوەکە لەسەر رێگەی سەرەکی نێوان هەردوو شاری 'کێریچوو و ناکارۆ'ـی ئەو وڵاتە روویداوە و تا ئێستا تەرمی ژمارەیەک هاووڵاتیی لەژێر ئەو بارهەڵگرەدا ماون.
رووداوەکە شەوی رابردوو روویداوە. بارهەڵگرێک خۆی کێشاوە بە ژمارەیەک ئۆتۆمبێلدا. پۆلیسی ئەو وڵاتە دەڵێت، دەیان کەسی دیکە بریندارن و تەرمی ژمارەیەک هاووڵاتیی لەژێر بارهەڵگرەکەدا ماون.
— Kurdistan24 (@kurdistan24tv) July 1, 2023
وێنە و زانیاری: AFP pic.twitter.com/6fCqVjCMs1