له ههولێر پرسى ئاسايشى سنوورى عێراق و ئێران تاوتوێكرا
K24 – ههولێر:
شاندێكی سەربازی كۆماری ئیسلامی ئێران كە پاسەوانی سنورەكانن ئەمڕۆ گەیشتنە ھەولێر و لە لایەن شاندێكی وەزارەتی ناوخۆی عێراق پێشوازییان لێكرا.
لە كۆبوونەوەیەكی نێوان ھەر دوولا باسی گرفت و كێشەكانی ناوچەكانی سەر سنووری نێوان ھەر دوو وڵات كرا.
سەرۆكی شاندی ئێران ئاماژەی بە وەكرد كە سەرەڕای شەر و پێكدادانەكانیش لە سەر سنورەكان بەڵام پەیوەندییەكانی نێوان ھەردولا باشتر بووە.
پاسەوانی سنورەكانی سەر بە وەزارەتی ناوخۆی عێراقیش ئاماژەی بەوە كرد كە ئەو ھاووڵاتیانەی نیشتەجێی سەر سنورەكانن و دوای تۆپبارانەكان زیانیان پێگەیشتووە با سەردانی پاسەوانانی سنوور لە ناوچەكەدا بكەن.