ئەو شەپۆلە گەرما بەتینەی عێراقی گرتووەتەوە تا کەی بەردەوام دەبێت؟
K24 - هەولێر:
دەستەی کەشناسی و بوومەلەرزەزانی عێراق رایگەیاند، پێشبینی دەکرێت ئەو شەپۆلە گەرمایەی زۆربەی ناوچەکانی عێراقی گرتووەتەوە، تا کۆتایی ئەم هەفتە بەردەوام دەبێت.
دەستەكە لە راگەیەندراوێکدا پێشبییەکانی خۆی لەبارەی رەوشی کەشوھەوا بۆ ئەم ھەفتەیە بڵاوکردەوە و رایگەیاندووە، پێشبینی دەکرێت پلەکانی گەرما لە ناوچەکانی باکوور، ناوەڕاست و باشووری عێراق تا کۆتایی ئەم هەفتەیە بەردەوام بێت.
باسی لەوەیش کردووە، بەرزترین پلەکانی گەرما لە پارێزگای بەسرە تۆمار دەکرێت کە دەگاتە 50 پلە.