کەشناسی: پلەی گەرما بەرز دەبێتەوە
K24 – هەولێر
بەگوێرەی پێشبینییەکانی کەشناسی پلەی گەرما لە ناوچەکانی هەرێمی کوردستان روو لە بەرز بوونەوە دەکات و لە هەندێک ناوچە دەگاتە نزیکەی 50 پلەی سیلیزی.
بەشی پێشبینی لە بەڕێوەبەرایەتی کەشناسی و بومەلەرزەزانی هەرێمی کوردستان رایگەیاند، ئەمڕۆ چوار شەممە 19/7/2023، ئاسمان ساماڵ دەبێت لەگەڵ بوونی تۆزێکی سووک، پلەی گەرما بەرز دەبێتەوە بە (1-2) پلە بەراورد بە تۆمارەکانى دوێنێ .
کەشناسی لەبارەی کەشوهەوای سبەی پێنجشەممە پێشبینی کردووە، ئاسمان ساماڵ دەبێت لەگەڵ بوونی تۆزێکی سووک. پلەى گەرما بەرز دەبێتەوە (1-2) پلە بەراورد بە تۆمارکراوەکانى ئەمڕۆ .
بەرزترین پلەکانی گەرمای پێشبینیکراو بە پلەی سیلیزی:
هەولێر: 45 پلەى سیلیزى
سلێمانی : 42 پلەى سیلیزى
دهۆک: 44 پلەى سیلیزى
کەرکووک: 46 پلەى سیلیزى
هەڵەبجە: 43 پلەى سیلیزى
حاجی ئۆمەران: 29 پلەى سیلیزى
زاخۆ: 43 پلەى سیلیزى
سۆران: 41 پلەى سیلیزى
گەرمیان: 47 پلەى سیلیزى