ژمارهی دەستگیركراوانی كودەتای توركیا ئاشكرا دەكرێت
K24 - ھەولێر
وتەبێژی پارتی داد و گەشەپێدانی توركیا رایگەیاند ژمارەی دەستگیركراوانی كودەتای سەربازی بۆ 10 ھەزار 410 كەس بەرز بووتەوەوە.
7 ھەزار و 423 ئەفسەر و سەرباز، 2 ھەزار و 14 دادوەر و داواكاری گشتی، 686 مەدەنی و 287 پۆلیس پاش شكستی كودەتای سەربازی توركیا دەستگیركراون.
یاسین ئاكتای یاریدەدەری سەرۆكی پارتی داد و گەشەپێدان رایگەیاند دەستگیركراوان رادەستی دادگا دەكرێن، كە تا ئێستا بڕیاری گرتنی ئەوانە دراوە كە راستەوخۆ دەستیان ھەبووە لە كودەتای سەربازی و ئەوانەی دیكەش پاش دادگاییكردن بڕیار لەسەر چارەنووسیان دەدرێت.