لە گەراجی بەغدای کەرکووک کەسێک دەستگیرکرا کە نیازی خۆتەقاندنەوەی هەبووە
K24 - هەولێر:
بەڕێوەبەرایەتی پۆلیسی کەرکووک دەستگیرکردنی کەسێکیان راگەیاند، کە ویستوویەتی خۆی بتەقێنێتەوە و لەکاتی دەستگیرکردنیدا کەرەستەی تەقینەوەی پێ گیراوە.
کاوە غەریب عەبدولرەحمان، بەڕێوەبەری پۆلیسی کەرکووک لەبارەی رووداوەکەوە گوتی: هێزە ئەمنییەکان توانیان لە گەراجی بەغدا لە کەرکووک کەسێک دەستگیربکەن کە نیازی کردەیەکی خۆکوژی هەبووە و کەرەستەی تەقینەوەی پێ گیراوە.
ئاماژەی بەوەشدا، ئەو تەقینەوانەی بە خۆکوژەکە بووە، لەلایەن هێزە ئەمنییەکانەوە پوچەڵ کراونەتەوە.