کەشناسی باری کەشوهەوای دوو رۆژی راگەیاند
K24 – هەولێر
بەپێی پێشبینییەکانی کەشناسی، ئەمڕۆ بەراورد بە رۆژانی رابردوو پلەی گەرما لە هەرێمی کوردستان زیاتر بەرز دەبێتەوە.
بەشی پێشبینی لە بەڕێوەبەرایەتی کەشناسی و بومەلەرزەزانی هەرێمی کوردستان، پێشبینییەکانی بۆ 48 کاتژمێری داهاتوو بڵاوکردەوە و رایگەیاند، ئەمڕۆ ئاسمان ساماڵ و گەرم دەبێت، پلەی گەرما کەمێک بەرز دەبێتەوە بە بەراورد بە تۆمارکراوەکانى دوێنێ .
لەبارەی کەشوهەوای سبەی کەشناسی رایگەیاندووە، سبەی پێنجشەممە 10/8/2023 ئاسمان ساماڵ و گەرم دەبێت .پلەى گەرما کەمێک بەرز دەبێتەوە لە تۆمارکراوەکانى ئەمڕۆ.
بەرزترین پلەکانی گەرمای پێشبینیکراو بە پلەی سیلیزی:
هەولێر : 47 پلەى سیلیزى
سلێمانی: 44 پلەى سیلیزى
دهۆک : 46 پلەى سیلیزى
کەرکوک: 49 پلەى سیلیزى
هەڵەبجە: 46 پلەى سیلیزى
زاخۆ: 47 پلەى سیلیزى
سۆران : 44 پلەى سیلیزى
حاجی ئۆمەران : 33 پلەى سیلیزى
گەرمیان : 51 پلەى سیلیزى