سهرۆككۆمار و سهرۆكوهزیرانی عێراق كۆبوونهوه
K24 – هەولێر:
سهرۆككۆمار و سهرۆكوهزیرانی عێراق، جهختیان له پاراستنی سهرهوهری خاكی عێراق و رێگریكردن له سنووربهزاندن كردهوه.
نووسینگهی راگهیاندنی سهرۆكوهزیرانی عێراق، راگهیهندراوێكی بڵاوكردهوه، تێیدا هاتووه، سهرۆكوهزیرانی عێراق محهممهد شیاع سوودانی چاویكهوت به لهتیف رهشید سهرۆككۆماری عێراق.
لهمیانهی دیدارێكدا تاووتوێی دۆخی سیاسی، ئهمنی، ئابووری و ژینگهی عێراق كرا و جیا له جهختكردنهوه له پشتگیری جێبهجێكردنی بهرنامهكانی حكومهت، بهگوێرهی داواكارییهكانی خهڵك و هاووڵاتیان و دابینكردنی سهقامگیری ئهمنی.
له راگهیهندراوهكهی نووسینگهی سوودانیدا هاتووه، سهرۆككۆمار و سهرۆكوهزیرانی عێراق گفتوگۆیان لهبارهی ئهنجامدانی ههڵبژاردنی ئهنجوومهنی پارێزگاكان كرد، كه بڕیارهی له كۆتایی ئهمساڵ بهڕێوهبچێت.
ههروهها سهرۆكوهزیران و سهرۆككۆماری عێراق تاووتوێی پاراستنی ئاسایشی سنوورهكانیان كرد و جهختیان له رێگریكردن له سنووربهزاندن و پاراستنی سهروهری خاكی عێراق كردهوه، وێڕای تیشكخستنهسهر پرسی ئاو و كاریگهری ئهو پرسه بۆسهر ژیان هاووڵاتییان.
جیا له ئاماژهدان به رۆڵی گرنگی عێراق لهسهر ئاستی ناوچهیی و نێودهوڵهتی، بۆ نزیككردنهوهی بۆچوونهكان و بههێزكردنی ئاسایش و ئاشتی لهنێوان وڵاتاندا.