کەشناسی: لە هەندێک ناوچە ئەگەری بارانبارین هەیە

K24 – هەولێر

بەگوێرەی پێشبینییەکانی کەشناسی، لە هەندێک ناوچەی هەرێمی کوردستان ئەگەری بارانبارین هەیە.

بەشی پێشبینی لە بەڕێوەبەرایەتی کەشناسی و بومەلەرزەزانی هەرێمی کوردستان پێشبینییەکانی بۆ 48 کاتژمێری داهاتوو بڵاوکردەوە و رایگەیاند، ئەمڕۆ دووشەممە 23/10/2023، ئاسمان پەڵە هەور دەبێت، لە ناوچە شاخاوییەکان بۆ نیمچە هەور و هەندی جار بۆ هەوری تەواو دەگۆڕێت، پلەی گەرما نزیک دەبێتەوە لە تۆمارکراوەکانی دوێنێ.

سەبارەت بە کەشوهەوای سبەی کەشناسی پێشبینی کردووە، رۆژی سێشەممە ئاسمان لەنێوان پەڵەهەور و نیمچە هەور دەبێت، لە ناوچە شاخاوییە سنوورییەکانی باکووری هەرێم ئەگەری کەمێک نمە باران هەیە، پلەی گەرما نزیک  دەبێتەوە لە تۆمارکراوەکانی ئەمڕۆ  .

بەرزترین پلەکانی گەرمای پێشبینیکراو بە پلەی سیلیزی:

هەولێر:  29 پلەى سیلیزى

سلێمانی: 27 پلەى سیلیزى

دهۆک: 28  پلەى سیلیزى

کەرکووک: 31 پلەى سیلیزى

هەڵەبجە: 28 پلەى سیلیزى

 زاخۆ: 30 پلەى سیلیزى

حاجی ئۆمەران: 17 پلەى سیلیزى

سۆران : 27  پلەى سیلیزى

گەرمیان:  32  پلەى سیلیزى