کەشناسی: لە هەندێک ناوچە لێزمە باران دەبێت

K24 – هەولێر

بەگوێرەی پێشبینییەکانی کەشناسی، ئەمڕۆ لە زۆربەی ناوچەکانی کوردستان باران دەبارێت و لە هەندێک ناوچە لێزمە باران دەبێت و پلەی گەرما بەشێوەیەکی بەرچاو دادەبەزێت.

بەشی پێشبینی لە بەڕێوەبەرایەتی کەشناسی و بومەلەرزەزانی هەرێمی رایگەیاند، ئەمڕۆ چوار شەممە ئاسمان هەور دەبێت بەگشتی، لە پارێزگای هەولێر و ناوچە شاخاوییەکان بارانبارین دەبێت لە هەندێک کاتدا لە ناوچە شاخاوییەکان ئاستی دابارین مامناوەندە، لە پارێزگای دهۆک و ناوچە شاخاوییەکان ئەگەری نمە باران هەیە لە هەندێک کاتدا.

 کەشناسی راشیگەیاند، لە ئەنجامی کاریگەری نزمە پاڵەپەستۆی دەریای سوور لەسەر بەشەکانی ناوەڕاستی عیراق و باشووری هەرێمی کوردستان بەتایبەتی بارانبارین لەسەر پارێزگای سلێمانی و کەرکووک و هەڵەبجە زیاتر دەبێت، هەندێک کات بارانبارینی بەلێزمە و بارانی مامناوەند لەسەر ناوچە جیاجیاکان دەبارێت، لە کاتەکانی شەودا کاریگەری ئەم نزمە پاڵەپەستۆیە لاواز دەبێت بارانبارین تەنها بەشێوەی نمە باران و کەم لەسەر ناوچە شاخاوییەکان دەمێنێتەوە.

بەپێی پێشبینییەکانی کەشناسی، پلەی گەرما نزم بوونەوەکى بەرچاو بەخۆى دەبینێت بە (6-8) پلە بەراورد بە تۆمارکراوەکانی دوێنێ .

لەبارەی کەشوهەوای سبەی کەشناسی رایگەیاندووە، رۆژی پێنجشەممە ئاسمان هەور و نیمچە هەور دەبێت، ئەگەری نمە باران هەیە لە سەنتەری پارێزگاکاندا لە هەندێ کاتدا، لە ناوچە شاخاوییەکان و شاخاوییە سنوورییەکان تاوە باران دەبێت لە هەندێک کاتی جیاجیادا، پاشان ئاسمان دەگۆرێت بۆ نیمچە هەور بەگشتی، پلەی گەرما کەمێک بەرزتر دەبێتەوە بە بەراورد بە تۆمارکراوەکانی ئەمرۆ .

بەرزترین پلەکانی گەرمای پێشبینیکراو بە پلەی سیلیزی:

هەولێر:  20 پلەى سیلیزى

سلێمانی: 19 پلەى سیلیزى

دهۆک : 21  پلەى سیلیزى

کەرکووک: 21 پلەى سیلیزى

هەڵەبجە: 21 پلەى سیلیزى

 زاخۆ:   22 پلەى سیلیزى

گەرمیان :  23  پلەى سیلیزى

حاج ئۆمەران: 12 پلەى سیلیزى

 سۆران: 19  پلەى سیلیزى