کەوتنەخوارەوەی گوللـەهاوەنێک زیان بە ئۆتۆمبێلی هاووڵاتییەک دەگەیەنێت

K24 - هەولێر:

کەوتنەخوارەوەی گوللـەهاوەنێک لەسەر رێگەیەکی سەرەکی سنووری پارێزگای دهۆک، زیان بە ئۆتۆمبێڵی هاووڵاتییەک دەگەیەنێت.

ئێوارەی ئەمڕۆ پێنجشەممە (11ی کانوونی دووەمی 2024)، گوللـەهاوەنێک لەسەر رێگەی قەدش-سەرسەنگ لە پارێزگای دهۆک کەوتەخوارەوە و زیانی بە ئۆتۆمبێڵی هاووڵاتییەکی خەڵکی ناحیەی باعەدرێ بەناوی (عەلی عیسا) گەیاند بێ ئەوەی زیانی گیانی لێبکەوێتەوە.

شەڕ و رووبەڕووبوونەوەکانی ماوەیەکی درێژە لە نێوان چەکدارانی پەکەکە و سوپای تورکیا هەیە لە ناوچەکەدا، بووەتە هۆی ئەوەی مەترسی بکەوێتە سەر گوندنیشان و هاووڵاتیانی هەرێمی کوردستان، سەرباری ئەوەی بۆتە هۆی  سووتانی باخ و وێرانبوونی ماڵەکانیان و برینداربوون و شەهیدبوونیان.