دامەزراوەی داکۆکیکردن و پاراستنی کریستیانەکانی عێراق هێرشەکانی سەر هەولێر ئیدانە دەکات
K24 - هەولێر
دامەزراوەی داکۆکیکردن و پاراستنی کریستیانەکانی عێراق لە ئەمریکا، پرسە و سەرەخۆشی خۆیان ئاراستەی سەرۆکوەزیرانی هەرێمی کوردستان دەکەن بۆ گیانی شەهیدانی هێرشە مووشەکییەکانی ئێران بۆ سەر هەولێر.
لە پەیامێکدا دامەزراوەی داکۆکیکردن و پاراستنی کریستیانەکانی عێراق هاوخەمی خۆیان دەربڕیوە و رایدەگەیەنن، وەک دۆستی دێرینی عێراقی کلدانی ئەمریکی بۆ گەلی نیشتمانپەروەری کوردستان بە توندی ئیدانەی هێرشی قێزەون و خراپەکارانەی ئێران دەکەین بۆ سەر شاری هەولێر.
هەروەها پشتگیریی و پشتیوانی خۆیان بۆ حکومەتی هەرێمی کوردستان دوپاتکردووەتەوە و رایدەگەیەنێت، وەک هەمیشە لە واشنتۆن بەردەوام دەبن لە داکۆکییە بێوچانەکانیان لە سەروەری خاکی عێراق و هەرێمی کوردستان.