ئینفۆگرافیک.. دیارترین ئەو سەرکردانەی لە لوتکەی جیهانیی حکومەتەکان لە دوبەی بەشدارن

K24 - هەولێر

ئەمڕۆ دووشەممە، 12-02-2024، بە بەشداریی زیاتر لە 200 سەرۆککۆمار، سەرۆکوەزیران و بەرپرسانی باڵای جیهان، 11ـەمین لوتکەی جیهانیی حکومەتەکان لەژێر دروشمی "ئاییندەبینی حکومەتەکانی داهاتوو" لە دوبەی دەستیپێکرد.

مەسرور بارزانی، سەرۆک وەزیرانی هەرێمی کوردستان، بۆ جاری سێیەم بەشداریی لە لوتکەکەدا دەکات و ئێوارەی ئەمڕۆ گوتارێک بۆ ئامادەبووان پێشکەش دەکات.

لوتکەی جیهانیی حکومەتەکان بە یەکێک لە دیارترین و کاریگەرترین سەکۆکانی جیهان دادەنرێت و ئەمساڵ لە ژێڕ دروشمی ئاییندەبینی حکومەتەکانی داهاتوو بەڕێوەدەچێت و ماوەی سێ رۆژ بەردوام دەبێت.

سەرۆکوەزیرانی هەرێمی کوردستان دوێنێ یەکشەممە، 11-02-2024، لەسەر بانگهێشتی تایبەتیی شێخ محەمەد بن راشد ئال مەکتووم، جێگری سەرۆکی دەوڵەتی ئیمارات و سەرۆکی ئەنجومەنی وەزیران، بۆ بەشداریکردن لە لوتکەی جیهانیی حکومەتەکان گەیشتە ئیمارات.