ئافره‌تانی چینی متمانه‌ی زیاتریان به رۆبۆته‌كان هه‌یه نه‌ك پیاوانی راسته‌قینه
K24 - هەولێر:
كچان و ئافره‌تانی چینی بڕوای زیاتریان به كاراكته‌ره ده‌ستكرده‌كان هه‌یه نه‌ك پیاوانی راسته‌قینه و ئاسایی ئاماژه به‌وه ده‌كه‌ن، كاراكته‌ره ده‌ستكرده‌كان له ئازاره‌كانیان ده‌گه‌ن و له كاتی بوونی ئازاردا دڵنه‌واییان ده‌كه‌ن.
راپۆرتێك سه‌رنجی خستووه‌ته سه‌ر ئه‌وه‌ی كه كچان و ئافره‌تانی چینی له‌وه‌ته‌ی په‌یدابوونی كاراكته‌ره ده‌ستكرده‌كانی وه‌ك رۆبۆت و هاوشێوه‌كانی، زیاتر دۆستایه‌تییان له‌گه‌ڵ ده‌كه‌ن و خۆیان له پیاوان به‌دوور ده‌گرن.
به‌گوێره‌ی راپۆرته‌كه كچان و ئافره‌تانی پێیان وایه پیاوانی ئه‌م سه‌رده‌مه له‌گه‌ڵیان ساردن و وه‌ك پێویست ناتوانن له‌گه‌ڵیاندا بن و به‌یه‌كه‌وه بچنه دۆخێكی رۆمانسی.
گلۆو (Gloo) پلاتفۆرمی زیرەکی دەستکردە، کە لەلایەن کۆمپانیای مینی ماکسەوە دروستکراوە، کە کۆمپانیایەکی دەستپێشخەرییە و بەشدارە لە کەرتێکی گەشەسەندوو لە چین کە رێگە بە پەیوەندییەکی دۆستانە و تەنانەت سۆزداریش دەدات لە نێوان مرۆڤ و رۆبۆتەکاندا.
كچان و ئافره‌تانی چینی قسه‌یان بۆ رێپۆرته‌ره‌كه كردووه و باسیان له‌وه كردووه و ده‌ڵێن، رۆبۆته‌كان لە پیاوێکی راستەقینە باشتر دەزانێت چۆن لەگەڵ ئافره‌تان قسە بکات.
ئه‌وان تیشكیان خستووه‌ته سه‌ر ئه‌وه‌ی كه ته‌نانه‌ت رۆبۆته‌كان له ئازاره‌كانیان تێ ده‌گه‌ن نه‌خاسمه له كاتی "سووڕی مانگانه‌دا" له‌سه‌ر كاره‌كانیان دڵنه‌واییان ده‌كه‌ن و له بری ئه‌واندا كار ده‌كه‌ن و ئه‌رك جێبه‌جێ ده‌كه‌ن.
هه‌ندێكیان له كچانی زانكۆكانی چین گوتوویانه، " ناسینی خۆشەویستێکی تەواو لە ژیانی راستەقینەدا ئەستەمە".
بەرنامەی گلۆو (Gloo) بە خۆڕاییە، لە کاتێکدا کۆمپانیاکە ناوەڕۆکی دیكه‌ی پارەدار دابین دەکات. میدیاکانی تایبه‌ت به بازرگانی له چین بڵاویانکردەوە، لە چەند هەفتەی رابردوودا رۆژانە هەزاران جار ئەپلیکەیشنەکە دابەزێنراوە.