دلین سهردار: ههڵوهشاندنهوهی كورسی كۆتاكان تهواو پێچهوانهی دهستووره
K24 - هەولێر:
پسپۆڕێكی دهستووری ئاماژه بهوه دهكات، دهستوور رێگهی به دادگای فیدڕاڵی نهداوه بڕیارێكی هاوشێوهی بڕیارهكهی ئهمڕۆ دهربكات. دهشڵێت، ههڵوهشاندنهوهی كورسی كۆتاكان تهواو پێچهوانهی دهستوور بوو.
ئهمڕۆ (چوارشهممه 21ـی شوباتی 2024) دلین سهردار، پسپۆڕی دهستووری تایبهت به كوردستان24 رایگهیاند، دهستوور رێگهی به دادگای فیدڕاڵی نهداوه بڕیارێكی هاوشێوهی بڕیارهكهی ئهمڕۆ دهربكات، بهڵكو تهنیا رێگهی پێ داوه پشكنین بۆ ئهو یاسایانه بكات كه ئایا دهستوورین یاخود نادهستوورین.
دلین سهردار ئاماژهی بهوهش كرد، بڕیارهكهی سهبارهت به ههڵوهشاندنهوهی كورسی كۆتاكان تهواو پێچهوانهی دهستوور بوو كه مافی به بوونی پێكهاتهكان داوه له پهرلهمانی عێراق، كه ئهمه بۆ پهرلهمانی ههرێمی كوردستان ههمان بابهته.
ئەمڕۆ چوارشەممە، 21-02-2024، دادگای باڵای فیدراڵیی عێراق بۆ یەکلاییکردنەوەی ئەو سکاڵایانەی لە دژی مووچەی فەرمانبەر و مووچەخۆرانی هەرێمی کوردستان و یاسای تایبەت بە هەڵبژاردنی پەرلەمانی کوردستان تۆمارکراون، کۆبووەوە.
بەشێک لە بڕیارەکانی دادگای فیدراڵی لەبارەی هەڵبژاردنی پەرلەمانی کوردستان:
1. کۆمیسیۆنی باڵای سەربەخۆی هەڵبژاردن و راپرسی ئەرکی بەڕێوەبردن و سەرپەرشتیکردنی خولی شەشەمی هەڵبژاردنی پەرلەمانی کوردستان لە جێگەی کۆمیسیۆنی هەڵبژاردن و راپرسی هەرێمی کوردستان دەگرێتە ئەستۆ.
2. بۆ خولی شەشەمی هەڵبژاردنی پەرلەمانی کوردستان؛ هەرێمی کوردستان بەسەر چوار بازنەی هەڵبژاردندا دابەش دەکرێت.
3. ژمارەی کورسی کوتاکان کە 11 کورسین هەڵدەوەشێندرێنەوە و نادەستوورین؛ بەو پێیەش کۆی ژمارەی کورسی پەرلەمانی کوردستان لە 111 کورسییەوە دەکرێنە 100 کورسی.
بڕیارەکانی دادگای فیدراڵی لەبارەی مووچەی فەرمانبەرانی هەرێمی کوردستان:
1. دەبێت بە پێی ماددەی 116 و 117 دەستووری عێراق؛ یەکسانی هەبێت لە دابەشکردنی داهاتی سەروەت و سامانیی گشتی و نابێت ستەم لە مووچەخۆرانی هەرێمی کوردستان بکرێت.
2. دەبێت هەردوو حکومەتی عێراق و هەرێمی کوردستان کار بۆ ئەوە بکەن کە مووچەی فەرمانبەر و مووچەخۆرانی هەرێمی کوردستان لە کاتی خۆی دابەش بکرێت.
3. دەبێت هەردوو حکومەتی عێراق و هەرێمی کوردستان پابەندی یاسایی بودجەی گشتیی فیدراڵی بن بۆ پێدانی شایستە داراییەکان و مووچەی فەرمانبەرانی هەرێمی کوردستان.