سەرۆک بارزانی سەرەخۆشی لە خانەوادەی سه‌ید موحسین تاوگۆزی دەکات
K24 – هەولێر:
سەرۆک بارزانی بۆ کۆچی دوایی سه‌ید موحسین محه‌ممه‌د تاوگۆزی، پرسەنامەیەک ئاراستەی خانەوادەکەی دەکات.
رۆژی پێنجشەممە (22ـی شوباتی 2024) سەرۆک بارزانی پەیامێکی هاوخەمی بڵاوکردەوە و تێیدا هاتووە: "به‌داخێكی زۆره‌وه هه‌واڵی كۆچی دوایی كه‌سایه‌تیی دیاری كۆمه‌ڵایه‌تیی كوردستان و سه‌رۆکی هۆزی تاوگۆزی كاك (سه‌ید موحسین محه‌ممه‌د)ـمان پێگه‌یشت".
سەرۆک بارزانی نووسیویەتی: "پرسە و سەرەخۆشیی خۆم ئاراسته‌ی خانه‌واده و دۆست و ئاشنایانی خوالێخۆشبوو ده‌كه‌م و خۆم بە هاوبەشی خەمیان دەزانم".
دەقی په‌یامی سه‌ره‌خۆشیی سەرۆک بارزانی بۆ خانەوادەی سه‌ید موحسین محه‌مه‌د تاوگۆزی
بەناوی خودای بەخشندە و میهرەبان
به‌داخێكی زۆره‌وه هه‌واڵی كۆچی دوایی كه‌سایه‌تیی دیاری كۆمه‌ڵایه‌تیی كوردستان و سه‌رۆکی هۆزی تاوگۆزی كاك (سه‌ید موحسین محه‌مه‌د)ـمان پێگه‌یشت.
پرسە و سەرەخۆشیی خۆم ئاراسته‌ی خانه‌واده و دۆست و ئاشنایانی خوالێخۆشبوو ده‌كه‌م و خۆم بە هاوبەشی خەمیان دەزانم.
له خودای گه‌وره داواكارم گیانی خوالێخۆشبوو سه‌ید موحسین محه‌مه‌د به‌ر ره‌حمه‌تی خۆی بخات و به به‌هه‌شتی به‌رینی شاد بكات، سەبر و ئارامی بەهەموو لایەک ببەخشێت.
إنا لله وإنا اليه راجعون
مسعود بارزانی
22ـی شوباتی 2024