ئه‌مريكا: مه‌ترسى له‌سه‌ر كونسوڵخانه‌ى ئه‌سته‌نبوڵ هه‌يه
K24 – هه‌ولێر:
وه‌زاره‌تى ده‌ره‌وه‌ى ئه‌مريكا داواى له خێزانى فه‌رمانبه‌رانى كونسوڵخانه‌ى گشتيى وڵاته‌كه‌ى له ئه‌سته‌نبوڵ كرد، توركيا به‌جێبهێڵن.
له به‌ياننامه‌يه‌كدا وه‌زاره‌ته‌كه رايگه‌ياندووه، زانيارى ئه‌وتۆيان پێگه‌يشتووه، كه هه‌ڕه‌شه‌ى په‌لامارى تيرۆريستى بۆ سه‌ر كونسوڵخانه‌ى ئه‌مريكا له ئه‌سته‌نبوڵ له ئارادايه.
وه‌زاره‌ته‌كه ئه‌وه‌شى روونكردووه‌ته‌وه، بڕياره‌كه‌يان ئه‌و نێرده ديپلۆماسيانه ناگرێته‌وه كه ره‌وانه‌ى توركيا ده‌كرێن.
وه‌زاره‌تى ده‌ره‌وه‌ى ئه‌مريكا ئاماژه‌ى بۆ ئه‌وه‌شكردووه، ئه‌وان به وردى چاودێرى ره‌وشى ئه‌منى توركيا ده‌كه‌ن.